ក្នុងចំណោមករណីថ្មីទាំង៤២២ មាន២៨២នាក់ឆ្លងក្នុងសហគមន៍ និង១៣៨នាក់ ជាអ្នកដំណើរពីបរទេស។ គិតត្រឹមព្រឹក ថ្ងៃទី០៤ ខែកញ្ញា នេះ កម្ពុជាមានអ្នកឆ្លងសរុប ៩៤ ៨៣៩នាក់ សះស្បើយ ៩០ ២៧៣នាក់ និងស្លាប់១៩៥០នាក់។

 

ផ្អែកតាមទិន្នន័យដែលប្រមូលដោយ Worldometers តួលេខកម្ពុជាឡើងប្រកៀកចិនដែលជាទីតាំងផ្ទុះកូរ៉ូណាវីរុសដំបូង។ ចិនរកឃើញករណីថ្មីចំនួន២៨ ដែលធ្វើឲ្យករណីឆ្លងសរុបឡើងដល់ ៩៤ ៩៨២ ក្នុងនោះស្លាប់៤៦៣៦នាក់ និងសះស្បើយជិត៩ម៉ឺននាក់។

 

ចំពោះ តួលេខសរុបនៅទូទាំងពិភពលោក អ្នកឆ្លងឡើងដល់ជាង ២២០,៦លាននាក់ ស្លាប់ជាង៤,៥៦លាននាក់ និងសះស្បើយជាង១៩៧លាននាក់៕