បន្ទាយមានជ័យ៖ រកឃើញអ្នកឆ្លងថ្មី១៤៧នាក់ ក្នុងនោះមានកុមារ និងទារក៦នាក់។ ចំណែកឯ៧២ករណីទៀត ជាពលករពីប្រទេសថៃ។ ក្រៅពីនេះ ក៏មានអ្នកជាសះស្បើយចំនួន២២២២នាក់ដែរ។ 
 

ឧត្តរមានជ័យ៖ វិជ្ជមានថ្មី៨០នាក់ ក្នុងនោះមានករណីនាំចូល៤៧នាក់ និងពលរដ្ឋក្នុងសហគមន៍៣៣នាក់។ ទន្ទឹមនឹងនេះ ក៏មានអ្នកជាសះស្បើយចំនួន២៩នាក់ដែរ។
 

ប៉ៃលិន៖ រកឃើញ២៣ករណីឆ្លងថ្មី ក្នុងនោះមាន១៣នាក់ជាពលករទើបត្រឡប់មកពីប្រទេសថៃ។ ចំណែកឯ ៥នាក់ទៀតជាពលករថៃដែលកំពុងធ្វើចត្តាឡីស័ក។
 

ព្រៃវែង៖ វិជ្ជមានថ្មី១៦នាក់ ស្ថិតក្នុងស្រុកចំនួន៦ ក្នុងនោះស្រុកព្រះស្ដេច និងស្រុកស៊ីធរកណ្ដាល នៅតែបន្តឆ្លងច្រើនដដែល។ ក្រៅពីនោះ ក៏មានអ្នកស្លាប់ដោយសារកូវីដ-១៩ ១នាក់ផងដែរ។ ចំពោះអ្នកជាសះស្បើយចំនួន៤៦នាក់៕