ក្នុងដំណើរការចុះពិនិត្យការដ្ឋាន នៅព្រឹកថ្ងៃទី១០ តុលា ក្រុមការងារទាំងអស់ បានស្ដាប់ពីការពន្យល់ របស់អ្នកជំនាញការបារាំង និងខ្មែរ ជុំវិញការវិវឌ្ឍការងារនៅការដ្ឋានជួសជុលប្រាសាទមេបុណ្យខាងលិច​។ ក្នុងនោះមានការពន្យល់ពីបច្ចេកទេសក្រាលកម្រាលបាត មុនដំឡើងថ្មនៅតាមច្រាំងកសិន្ធុ ការដំឡើងតួប៉មជុំវិញ ការបង្ហាញពីបំណែកថ្មនានា ដែលប្រទះឃើញក្នុងការដ្ឋានកំណាយនាពេលកន្លងមក ក៏ដូចជាការដំឡើងតួប៉មកណ្ដាល ស្រះប្រាសាទមេបុណ្យខាងលិច។

 

បន្ថែមពីនេះ អ្នកជំនាញការបានប្រាប់ពីបញ្ហារាំងស្ទះមួយចំនួន ដែលបណ្ដាលមកពីជំងឺកូវីដ-១៩ ដែលធ្វើឱ្យគម្រោងការងារខ្លះមិនអាចរួចរាល់តាមការគ្រោងទុក។ 

 

សូមបញ្ជាក់ដែរថា គម្រោងជួសជុលប្រាសាទមេបុណ្យខាងលិច ជាកិច្ចសហប្រតិបត្តិការរួមរវាងភាគីបារាំង និងកម្ពុជា ដែលចាប់ផ្តើមពីឆ្នាំ២០១២មក។ បច្ចុប្បន្ន ការជួសជុលច្រាំងកសិន្ធុសម្រេចជាស្ថាពរ និងកំពុងដំឡើងតួប៉មជុំវិញប្រាសាទដែលមានចំនួន ១២ប៉ម៕