ជាតិ
សេដ្ឋកិច្ច
៩ខែ កម្ពុជាប្រមូលពន្ធបានជាង ៣ ៨០០លានដុល្លារ លោក គុណ ញឹម អគ្គនាយកគយ និងរដ្ឋាករកម្ពុជា(ឆ្វេង) និងលោក គង់ វិបុល អគ្គនាយកពន្ធដារ។
× ភ្នំពេញ៖ កម្ពុជាទទួលបានចំណូលពីពន្ធដារ និងពន្ធគយ ជាង ៣ ៨០០លានដុល្លារ ក្នុងរយៈពេល៩ខែនៃឆ្នាំ២០២១។ នៅក្នុងនោះ អគ្គនាយកដ្ឋានពន្ធដារ ប្រមូលពន្ធចូលជាតិ ជាង ២ ០០០លានដុល្លារ។
៩ខែឆ្នាំនេះ អគ្គនាយដ្ឋានពន្ធដារ ប្រមូលចំណូលចូលជាតិបានសរុប ២ ១១១លានដុល្លារ។ ចំនួននេះ ពន្ធដារគឺសម្រេចផែនការបានជាង៩៤ភាគរយ ខណៈអគ្គនាយកពន្ធគយនិងរដ្ឋករកម្ពុជា ទើបសម្រេចផែនការបានជិត៧២ភាគរយក្នុងទំហំថវិកា១ ៦៩៩លានដុល្លារ។
បើតាមយោងតាមរបាយការណ៍ផ្សេងពីគ្នារបស់អគ្គនាយកដ្ឋានទាំងពីរនេះ ដែលចុះផ្សាយកាលពីថ្ងែទី១៤តុលា ចំណូលដែលកម្ពុជាទទួលបាន ទាំងចំណូលពីពន្ធគយ និងទាំងចំណូលពីពន្ធដារ គឺសុទ្ធសឹងតែធ្លាក់ចុះក្នុងរង្វង់៦ភាគរយ បើធៀបនឹងរយៈពេលដូចគ្នាកាលឆ្នាំ២០២០។
អគ្គនាយកដ្ឋានគយ បានបញ្ជាក់ថា ប្រភេទពន្ធនិងអាករដែលប្រមូលបានរួមមាន អាករលើតម្លៃប្រមូលបាន៣៨ភាគរយនៃចំណូលសរុប, អាករពិសេសមានជាង៣៧ភាគរយ, ពន្ធនាំចូល មានជាង១៨ភាគរយ, អាករបន្ថែមលើផលិតផលប្រេងមាន៤,៥ភាគរយ និងអាករនាំចេញនិងកម្រៃផ្សេងៗមាន២ភាគរយនៃចំណូលសរុប។
សម្រាប់ អគ្គនាយកពន្ធដារ ប្រមូលពន្ធប្រចាំខែកញ្ញា បាន២០១លានដុល្លារ ដែលស្មើនឹងជិត៩ភាគរយនៃចំណូលសរុបដែលប្រមូលក្នុងរយៈពេល៩ខែមកនេះ ៕
© រក្សាសិទ្ធិដោយ thmeythmey.com