លោក ញញ់ ជាបហ៊ង ប្រធានមន្ទីរធនធានទឹក និងឧតុនិយមខេត្តកំពង់ស្ពី ប្រាប់សារព័ត៌មានThmey Thmey25 ថា ការបើកទ្វារទឹកទាំងប្រាំនៅរលាំងជ្រៃ ក្នុង​ស្រុកសំរោងទង ខេត្តកំពង់ស្ពឺ នៅថ្ងៃទី១៨ ខែតុលានេះ ដើម្បី​រក្សាស្ថានភាពទឹកឱ្យនៅថេរ មិនមានអ្វីគួរឱ្យព្រួយបារម្ភឡើយ។
 

ប្រធានមន្ទីរធនធានទឹករូបនេះ បញ្ជាក់​យ៉ាងដូច្នេះ៖«ទ្វាររលាំងជ្រៃនៅក្នុងស្ទឹងព្រែកត្នោត ទឹកហៀរចេញពីទន្លេ មិនមែនជំនន់ទេ។ យើងបើករំដោះទឹកប្រាំទ្វារ រួមមានពីរបើកកម្ពស់កន្លះម៉ែត្រ ពីរបើកកម្ពស់មួយម៉ែត្រ និងមួយទៀត បើកមួយម៉ែត្រពីរតឹក។ គិតមកដល់ពេកនេះខេត្តកំពង់ស្ពឺ មិនទាន់មានបញ្ហាណាមួយទេ»។


        រួបភាពដោយ  គណៈកម្មាធិការជាតិគ្រប់គ្រងគ្រោះមហន្តរាយ
 

បើតាម​លោក ជាបហ៊ង ការបើកទ្វារទឹកទាំង៥ខាងលើ មិនប៉ះពាល់ដល់ផលដំណាំ គោក្របី ស្រែចម្ការរបស់ពលរដ្ឋរស់ក្នុងខេត្តកំពង់ស្ពឺឡើយ ដោយសារស្ថានភាពទឹកនៅក្នុងសភាពធម្មតា។ ទន្ទឹម​នឹង​នេះ ទឹកដែល​បើកបង្ហូរពីរលាំងជ្រៃ ត្រូវហូរទៅកាន់ទំនប់ប្រាំពីរមករា នៅក្នុងខេត្តកណ្ដាល ដែល​អាច​មានផលប៉ះពាល់ខ្លះ៕