រដ្ឋាភិបាលអូស្រ្តាលី បានសន្យាចំណាយប្រាក់ដើមនៃព្រឹត្តិការណ៍នេះ ជាង៥០ភាគរយ សម្រាប់ព្រឹត្តិការណ៍រៀបចំអូឡាំពិករដូវក្តៅលើកទី៣ ក្នុងប្រទេសអូស្ត្រាលី ។ ជាពិសេសត្រូវកែលម្អទីក្រុង Brisbane ក្នុងតម្លៃទឹកប្រាក់ជិត១ពាន់លានដុល្លារ រួមទាំងការកសាងឡើងវិញ នូវទីលានប្រកួតកីឡាគ្រីតឃីត។
 

«វាប្រាកដណាស់ថា ខ្ទង់ចំណាយអាចកើនឡើងដល់ទៅប្រមាណជិត ៤ពាន់លានដុល្លារ ក្នុងនោះសម្រាប់ហេដ្ឋារចនាសម្ព័ន្ធនៃការធ្វើដំណើរ ព្រមទាំងសម្រាប់ការប្រកួតផ្ទាល់តែម្តង»។ នេះបើតាលោក Colbeck ប្រាប់ទៅកាន់វិទ្យុ 4BC។
 

លោក Colbeck ក៏ដឹងថា ការចំណាយនេះច្រើនដែរ ប៉ុន្តែលោកចង់ឱ្យការប្រកួតនេះ ប្រព្រឹត្តទៅដោយល្អ ។ «ការប្រកាសនេះ វាដូចជាការភ្ញាក់ផ្អើលមួយសម្រាប់យើង ព្រោះទំហំនេះវាច្រើនខ្លាំងណាស់ ប៉ុន្តែអ្វីដែលនឹងអាចទទួលបាននោះ គឺយើងបានដាក់ទីតាំងរួចហើយ​ ព្រមទាំងកិច្ចព្រមព្រៀង ក៏បានធ្វើរួចរាល់ផងដែរ ដោយប្រាក់ចំណាយ នឹងត្រូវបែងចែកជាពីរ ពោលគឺប្រើលើហេដ្ឋារចនាសម្ព័ន្ធទីក្រុង និងសម្រាប់រៀបចំការប្រកួត»។ នេះបើតាមសម្តីលោក Colbeck៕