«វា​ជា​ទំនួល​ខុស​ត្រូវ​របស់​ខ្ញុំ ខ្ញុំ​បាន​ជ្រើសរើស​ប្រើ​កីឡាករ​ទាំង​នេះ»។ ប៉ុន្តែ​ ខ្ញុំ​មិន​អាច​ទប់​ចិត្ត​មិនបន្ទោស​កីឡាករ​ជម្រើសទីពីរ​នេះបាន​ទេ។ លោក Mourinho បានប្រាប់​ប្រព័ន្ធ​ផ្សព្វផ្សាយ​អ៊ីតាលីដូច្នេះ ​បន្ទាប់​ពី​បរាជ័យ​ដ៏​អាក្រក់​បំផុត​ក្នុង​អាជីព​ជា​អ្នក​ចាត់​ការនាការប្រកួតទី​ ១,០០៨។
 

Bodo/Glimt ម្ចាស់ជើងឯកលីគកំពូលន័រវែសរដូវកាលមុន ដែលបង្ហាញខ្លួនក្នុងការប្រកួតអឺរ៉ុបលើកទី១១បានធ្វើឱ្យ Roma ភ្ញាក់ផ្អើលយ៉ាងខ្លាំងក្រោយរកបាន៦គ្រាប់ ក្នុងការប្រកួតវគ្គសន្សំពិន្ទុពូល C ពានរង្វាន់លំដាប់ទី៣អឺរ៉ុប។
 

បើទោះ Roma ដាក់សុទ្ធតែកីឡាករឈុត B ប៉ុន្តែបរាជ័យដោយរបូតគ្រាប់បាល់ដ៏ច្រើននេះបានធ្វើឱ្យអ្នកចាត់ការសញ្ជាតិព័រទុយហ្កាល់ខឹងសម្បាយ៉ាងខ្លាំង។
 

លោក Mourinho ប្រាប់​អ្នកយកព័ត៌មានក្រោយចប់ការប្រកួត​ថា​៖ «​ខ្ញុំ​មានចេតនា​ល្អ និង​ផ្តល់​ឱកាស​ដល់ក្រុមយុវជន​ដើម្បីពួកគេអាចបង្ហាញការខិតខំប្រឹងប្រែង និង​ដើម្បីឱ្យកីឡាករសំខានៗបាន​​សម្រាក​​ខ្លះ​។ ប៉ុន្តែ​យើងបាន​ចាញ់​ក្រុម​ដែល​មិនសូវមានឈ្មោះបោះសំឡេងទាំងអាម៉ាស់​។ ខ្ញុំរំពឹងថា នឹងមានលទ្ធផលប្រសើរជាងនេះ ប៉ុន្តែបរាជ័យនេះ បានបន្សល់ទុកស្លាកស្នាមដ៏អាក្រក់សម្រាប់ខ្ញុំ និងក្រុម»។
 

ជ័យជម្នះរបស់ Bodo/Glimt បានធ្វើឱ្យពួកគឡើងឈរកំពូលតារាងពូល C ដោយរកបាន៧ពិន្ទុពីការប្រកួត៣លើក ខណៈ Roma នៅលេខ២មាន៦ពិន្ទុ។ Zorya នៅលេខ៣មាន៣ពិន្ទុ ឯ PFC CSKA-Sofia នៅបាតតារាងមាន១ពិន្ទុ៕