ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
អត្ថបទពាណិជ្ជកម្ម
បទយកការណ៍/សម្ភាស
ជាតិ
សង្គមជាតិ
អង្គរវត្ត បញ្ចេញសម្រស់បៃតងដ៏ត្រកាលគួរជាទីប្រតិព័ទ្ធនារដូវវស្សា
24, Oct 2021 ,
12:30 pm
រូបភាព
×
ដោយ:
សែម វណ្ណា (Sem Vanna)
សៀមរាប៖ នាព្រឹកព្រហាមស្រាងៗ ទេសចរ និងអ្នកខេត្តសៀមរាបភាគច្រើន ដែលចូលចិត្តជិះកង់ តែងតែមកជួបជុំគ្នានៅទីធ្លាខាងមុខប្រាសាទដើម្បីគយគន់សម្រស់អង្គរនាពេលបច្ចុកាល មុននឹងបន្តដំណើរទៅកាន់ប្រាសាទផ្សេងៗក្នុងរមណីយដ្ឋានអង្គរ។
រដូវវស្សាចូលមកដល់ រមណីយដ្ឋានអង្គរ បញ្ចេញសម្រស់ពណ៌បៃតងខ្ចីគួរជាទីគយគន់។ បរិស្ថានពណ៌បៃតង នៅទីធ្លាខាងមុខប្រាសាទ ប៉ែកខាងលិចនៃកសិន្ទុខាងលិច ជាចំណីអារម្មណ៍ថ្មីប្លែកសម្រាប់ទេសចរ។ ទិដ្ឋភាពថ្មីប្លែកនេះ បានបង្អាក់អារម្មណ៍ទេសចរឱ្យថតរូបទុកជាអនុស្សារីយមិនជិនណាយ។
ទោះបីជារដូវវស្សា មានភ្លៀងធ្លាក់ច្រើន ប៉ុន្តែ អង្គរវត្ត ដែលជាមហាប្រាសាទរុងរឿងដោយលម្អគ្មានពីរលើលោក នៅតែទទួលទេសចរជាតិ មិនដាច់។ បូជនីយដ្ឋានវប្បធម៌ដ៏ធំ ដែលល្បីល្បាញផ្នែកជំនឿ សាសនា និងស្ថាបត្យកម្ម ឆ្ងាយជាងអាណាចក្ររបស់ខ្លួននេះ ជាទីរំសាយអារម្មណ៍តប់ប្រមល់របស់ទេសចរ។ ជាពិសេស តំណក់ទឹកភ្លៀង ដែលធ្លាក់ចុះពីអាកាសមកលើប្រាង្គប្រាសាទ ក្លាយជាសូររណ្ដំអារម្មណ៍ទេសចរ ដែលកំពុងជ្រកក្នុងប្រាសាទឱ្យកាន់តែមានចិត្តប្រតិព័ទ្ធ។
ថ្វីបើជំងឺកូវីដ-១៩ នៅតែបន្តរីករាលដាល ដែលធ្វើឱ្យរមណីយដ្ឋានអង្គរ មិនសូវមានទេសចរអន្តរជាតិ ប៉ុន្តែទេសចរជាតិ និងអ្នកខេត្តសៀមរាប នៅតែទៅទស្សនាប្រាសាទដ៏សិដ្ឋក្នុងតំបន់អង្គរ។ អ្នកខ្លះ នាំយករឿងរ៉ាវផ្សេងៗទៅនិទានប្រាប់ប្រាសាទ ដើម្បីឱ្យជួយដោះស្រាយ ដោយសាររមណីយដ្ឋានអង្គរ ល្បីល្បាញខាងផ្នែកជំនឿតាំងពីបុរាណ មកទល់បច្ចុប្បន្ន៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
អង្គរវត្ត
Angkor Wat
សៀមរាប
© រក្សាសិទ្ធិដោយ thmeythmey.com
អត្ថបទពេញនិយម
សណ្ដែកកួរ ឡើងដល់៤ម៉ឺនរៀល ក្នុងមួយគីឡូក្រាម
7 ថ្ងៃ
«ប្រទានកម្ម»មានន័យដូចម្តេច?
1 ថ្ងៃ
តើពេលណាដែលគេសរសេរ«បរិបូរ, បរិបូណ៌ និង បរិបូរណ៍»នៅក្នុងសំណេរភាសាខ្មែរ?
2 ថ្ងៃ
«រឭក»,«រំឮក»,«រំលឹក» និង«រម្លឹក» ពាក្យណាត្រឹមត្រូវ?
3 ថ្ងៃ
រវាង «លស់» «លួស» និង «លោះ» មានអត្ថន័យខុសគ្នាដូចម្តេច?
1 សប្តាហ៍
អត្ថបទពេញនិយមបន្ថែម