ពីនេះ ពីនោះ
ច្រើនប្រើក្នុងកាព្យ៖ «គេហស្សាមិក» បុរសម្ចាស់ផ្ទះ, «គេហស្សាមិកា» ស្ត្រីម្ចាស់ផ្ទះ
× ពាក្យមួយចំនួនមិនត្រូវបានប្រើប្រាស់ទូលំទូលាយនោះឡើយ ដោយពាក្យខ្លះប្រើប្រាស់តែតាមតំបន់ ឬទម្លាប់ ហើយពាក្យខ្លះទៀត ត្រូវបានប្រើប្រាស់សម្រាប់តែការតែងកាព្យ ក្នុងនោះមានពាក្យ «គេហស្សាមិក» និង «គេហស្សាមិកា» ជាដើម។
«គេហស្សាមិក» ដែលអានថា គេហ័ស-សាមិក សំដៅលើ បុរសអ្នកម្ចាស់ផ្ទះ ។ ស្ដ្រីជា គេហស្សាមិកា, គ្រឹហស្វាមិកា ។ ពាក្យសម្រាប់ប្រើក្នុងការតែងកាព្យ ដើម្បីឲ្យកវីងាយជ្រើសរើសពាក្យ។
ពាក្យកាព្យ៖ គេហស្សាមិក ភ្ញាក់ឡើងពីព្រឹក ចាត់ចែងកិច្ចការ ហៅកូនតូចធំ ស្រស់ស្រូបអាហារ រួចនឹងធ្វើការ គ្រប់ទីកន្លែង។ គេហស្សាមិកា ជាអ្នកឧស្សាហ៍ មើលផ្ទះសំបែង មិនឲ្យទាស់ឆ្គង នាទីខ្លួនឯង ជាអ្នកចាត់ចែង ក្រែងខ្វះនេះនោះ។
វចនានុក្រមខ្មែរសម្តេចព្រះសង្ឃរាជ ជួន ណាត បានលើកឡើងថា ប្រទេសណាមានភាសាសម្បូណ៌ អ្នកប្រទេសនោះងាយតែងសេចក្ដី ងាយនិយាយស្ដី, គ្រាន់តែពិបាករៀន ពិបាកចំណាំបន្តិចប៉ុណ្ណោះ៕
© រក្សាសិទ្ធិដោយ thmeythmey.com