លោក វ៉ី សំណាង អភិបាលខេត្តកំពង់ស្ពឺ បានលើកឡើងថា ត្នោត គឺជាដើមឈើតំណាងឲ្យភូមិសាស្រ្តខេត្តកំពង់ស្ពឺ ហើយការសាងសង់រូបសំណាកនេះ គឺចង់បង្ហាញពីសក្ដានុពលរបស់ សហគមន៍ស្ករត្នោតកំពង់ស្ពឺ និងអត្ថប្រយោជន៍ជាច្រើនទៀតរបស់ត្នោត។ លោក បន្តថា បច្ចុប្បន្ន ស្ករត្នោត ក្លាយជាផ្នែកមួយជួយដល់ជីវភាពពលរដ្ឋ និងសេដ្ឋកិច្ចខេត្តកំពង់ស្ពឺ។ 

 

លោក វ៉ី សំណាង ប្រាប់សារព័ត៌មានថ្មីៗ២៥ នៅថ្ងៃទី៥ ខែវិច្ឆិកានេះ ដូច្នេះ៖« ការសាងសង់នេះ គឺចង់បង្ហាញពីសក្ដានុពលរបស់ខេត្តខ្ញុំ(កំពង់ស្ពឺ)។ ក្រៅពីរបស់អ្វីផ្សេងៗ គឺយើងមាន ​ដើមត្នោត ស្ករត្នោត ដែលវាអាចជាចលករមួយដែលអាចទាញយកប្រយោជសេដ្ឋកិច្ចជូនខេត្ត​ និងប្រជាជន»៕