បើតាម ក.ប.ប ទំនិញជិត៥០តោននេះ គឺមានសារធាតុពុល និងខូចគុណភាព ដែល បង្រ្កាបបាននៅតាមផ្សារ និងទីតាំងផ្សេងៗ ក្នុងរាជធានីភ្នំពេញ។  ទំនិញទាំងនោះ មាន អាល់កុលក្លែងក្លាយ ឬមេតាណុលចំនួន ៤៥ ៣៥៣លីត្រ , ស្រាស និងស្រាទំពាំងបាយជូ ចំនួន៣៤៧យួរ និង ៤ ២៧៥ លីត្រ និងផលិតផលម្ហូបអាហារខូចគុណភាព ដែលរឹបអូសបានពីបណ្តាទីផ្សារនិងឃ្លាំងស្តុកទំនិញ ចំនួន ៣៥៨គីឡូក្រាម។ 

 

រូបភាពពី ក.ប.ប ។

សូមជម្រាបថា ទំនិញក្លែងក្លាយ មិនត្រឹមតែគ្មានប្រសិទ្ធិភាពប៉ុណ្ណោះឡើយ តែវាបណ្ដាលឱ្យប៉ះពាល់សុខភាពអ្នកប្រើប្រាស់ផងដែរ។  ផលប៉ះពាល់ទាំងនោះរួមមាន ធ្វើឱ្យរលាកស្បែក រលាកភ្នែក ឈឺក្បាល វិលមុខ ស្រវាំងភ្នែក ងងុយគេង បាត់បង់ស្មារតី ក្អួតចង្អោរ រំខានដល់ការរំលាយអាហារ ឬអាចបណ្ដាលឱ្យស្លាប់បើទទួលទានលើសកម្រិត៕