ត្រង់ចំណុចនេះ ប្រមុខរដ្ឋាភិបាល បានសង្កត់ធ្ងន់ថា បើសិនជាកន្លែងការងារល្អ ហើយមន្ត្រីទាំងអស់បំពេញការងារមានប្រសិទ្ធភាពខ្ពស់ទៀតនោះ វានឹងនាំផលប្រយោជន៍កាន់តែច្រើនសម្រាប់ជាតិ។
 

បន្ថែមពីនេះ សម្ដេច ហ៊ុន សែន ក៏ផ្ដាំមន្ត្រីឱ្យចេះថែរក្សាអគារការងារ និងសន្សំសំចៃ រាល់ការចំណាយនានា របស់ក្រសួងផងដែរ ដូចជាថ្លៃទឹក និងអគ្គិសនីជាដើម។«អ៊ីចឹងពេលចេញពីធ្វើការអាម៉ាស៊ីនត្រជាក់ក៏នៅតែបើក អាភ្លើងក៏នៅតែបើក នោះហើយហៅថាខ្វះការសន្សំសំចៃ។ ពេលយើងចូលធ្វើការ យើងត្រូវបើក(អគ្គិសនី) តែពេលយើងចេញពីធ្វើការ យើងក៏ត្រូវតែបិទ»។ នេះបើតាមលោកនាយករដ្ឋមន្រ្តី។