ក្រោយទស្សនាវីដេអូនេះ ក្រសួងទេសចរណ៍បានចេញសេចក្ដីថ្លែងអំណរគុណ និងកោតសរសើរ ដល់ព្រះតេជគុណ ហាក់ សៀងហៃ ដែលបានចូលរួមផ្សព្វផ្សាយទេសចរណ៍កម្ពុជា ដល់ជនបរទេស។ លោក ថោង ខុន រដ្ឋមន្ត្រីក្រសួងទេសចរណ៍ បានសរសេរក្នុងលិខិតប្រគេនដល់ព្រះអង្គដូច្នេះថា៖ « ខ្ញុំព្រះករុណាផ្ទាល់ សូមសំដែងនូវការកោតសរសើរ និងថ្លែងអំណរព្រះគុណចំពោះព្រះតេជគុណ ដែលតែងតែមានឆន្ទៈទឹកព្រះទ័យស្មោះសរដល់ការផ្សព្វផ្សាយវិស័យទេសចរណ៍កម្ពុជា »។
 

ជាមួយគ្នានេះ ព្រះបញ្ញាមុនីញាណ ហាក់ សៀងហៃ ក៏បានស្នើឱ្យក្រសួងទេសចរណ៍ និងរដ្ឋាភិបាល លើកទឹកចិត្តបន្ថែមទៀត ដល់អ្នកបានចូលរួមផលិតវីដេអូ ផ្សព្វផ្សាយពីតំបន់ទេសចរណ៍ ទាក់ទាញភ្ញៀវជាតិ និងអន្តរជាតិ ដើម្បីជាការលើកទឹកចិត្តបន្ថែម៕