១. ទទួលទានកាហ្វេ និងតែជាមួយទឹកដោះគោ

 

កាហ្វេអាចជាភេសជ្ជៈមានផ្ទុកជាតិអាស៊ីតខ្លាំង ជាពិសេសនៅពេលទទួលទានកាហ្វេខ្មៅ។ ប្រសិនបើអ្នកទទួលទានភេសជ្ជៈនេះរាល់ថ្ងៃ វាអាចបណ្ដាលឱ្យធ្មេញប្រែជាសឹកទៅៗ។ បន្ថែមពីនេះកាហ្វេខ្មៅនឹងបង្កស្នាមប្រឡាក់ជាប់ធ្មេញទៀតផងដោយសារវាមានផ្ទុកសារធាតុ tannins។ ជាដំណោះស្រាយដ៏ប្រសើរ អ្នកគួរទទួលទានកាហ្វេ ឬតែខ្មៅលាយជាមួយទឹកដោះគោស្រស់។

 

២. កុំដុសធ្មេញភ្លាមៗក្រោយពេលទទួលទានតែ ឬកាហ្វេ

 

ជាតិអាស៊ីតក្នុងកាហ្វេនិងតែមានឥទ្ធិពលលើកាចាធ្មេញ! ដូច្នេះដើម្បីជាការប្រសើរអ្នកគួររងចាំសម្រាប់រយៈពេលយ៉ាងហោចណាស់ ៣០នាទី ទៅ ១ម៉ោង ក្រោយទទួលទានភេសជ្ជៈទាំងពីរនេះសិន សឹមដុសសម្អាតធ្មេញ។ ទោះជាយ៉ាងណាអ្នកក៏ត្រូវរងចាំសម្រាប់រយៈពេលពី ៣០ នាទី ទៅ ១ម៉ោងសិនផងដែរក្រោយទទួលទានអាហារផ្សេងៗ មុននឹងចាប់ផ្ដើមដុសសម្អាតធ្មេញ។

 

៣. ប្រើប្រាស់ខ្សែរ៉ូតសម្អាតធ្មេញមុនពេលដុសធ្មេញ

 

ការប្រើប្រាស់ខ្សែរ៉ូតសម្អាតធ្មេញឱ្យបានទៀងទាត់ក៏អាចកាត់បន្ថយបញ្ហាក្លិនខ្យល់ដង្ហើមមិនល្អ និងជំងឺផ្សេងៗតាមរយៈការកម្ចាត់កំណកកំបោរជាប់ធ្មេញផងដែរ។ អ្នកជំនាញជាច្រើនបានណែនាំឱ្យអ្នកប្រើប្រាស់ខ្សែរ៉ូតសម្អាតធ្មេញនៅមុនពេលដុសធ្មេញដើម្បីជួយឱ្យសសៃច្រាស់អាចចូលទៅសម្អាតបានជ្រៅគ្រប់ផ្នែក។

 

៤. ប្រើប្រាស់ខ្សែរ៉ូតសម្អាតធ្មេញរបៀបដដែលៗរាល់ថ្ងៃ

 

អ្នកគួរចាប់ផ្ដើមសម្អាតពីធ្មេញខាងលើរួចបន្តទៅផ្នែកខាងឆ្វេងនិងខាងស្ដាំ។ ក្រោយបញ្ចប់ធ្មេញផ្នែកខាងលើរួចរាល់, អនុវត្តសារឡើងវិញដូចគ្នាចំពោះធ្មេញផ្នែកខាងក្រោម។

 

៥. ទំពារស្ករកៅស៊ូសម្រាប់រយៈពេល ២០នាទី

 

វាក៏ជាការប្រសើរផងដែរក្នុងការទំពារស្ករកៅស៊ូគ្មានជាតិស្ករ ១បន្ទះ ឬ ១គ្រាប់តូចក្រោយពេលទទួលទានអាហារ។ ចូរទំពារសម្រាប់រយៈពេលយ៉ាងហោចណាស់ ២០នាទីដើម្បីបង្កើនលំហូរទឹកមាត់និងកម្ចាត់ជាតិអាស៊ីតដែលចេញពីអាហារ។

 

កំណត់សម្គាល់៖ នេះជាអត្ថបទស្រាវជ្រាវដែលមានបំណងផ្តល់ជូននូវព័ត៌មាន និងចែករំលែកចំណេះដឹង មិនមែនសម្រាប់ជំនួសឱ្យការព្យាបាលដោយគ្រូពេទ្យជំនាញតែម្ដងឡើយ។ វេបសាយសុខភាព Health.com.kh សូមមិនទទួលខុសត្រូវចំពោះការព្យាបាលដោយខ្លួនឯងតាមអត្ថបទខាងលើនោះទេ។ ក្នុងករណីមានបញ្ហាសុខភាព ឬការសង្ស័យពាក់ព័ន្ធណាមួយ សូមធ្វើការណាត់ជួបពិគ្រោះជាមួយគ្រូពេទ្យជំនាញដើម្បីទទួលការពិនិត្យនិងព្យាបាលឱ្យបានត្រឹមត្រូវទើបប្រសើរ៕

 

ត្រួតពិនិត្យ​ដោយ www.health.com.kh