បើតាមក្រសួងបរិស្ថានដដែល វត្តមានសត្វឈ្លូសយក្សនេះ ត្រូវបានថតជាប់កាលពីថ្ងៃទី៦ ខែមីនា ឆ្នាំ២០២១មកម៉្លេះ ដោយម៉ាស៊ីនថតស្វ័យប្រវត្តិនៃការចុះសិក្សាស្រាវជ្រាវជីវៈចម្រុះ របស់ក្រសួងបរិស្ថាន និងអង្គការអភិរក្សសត្វព្រៃ និងធនធានធម្មជាតិ(FFI)។
 

ក្រៅពីវត្តមានសត្វឈ្លូសយក្សខាងលើនេះ ក្រុមការងារក្រសួងបរិស្ថាន ជាមួយ FFI ក៏បានកត់ត្រារូបភាពកូនឈ្លូសយក្ស ដែលជាប្រភេទសត្វកម្របំផុត និងជាលើកដំបូងបង្អស់ក្នុងប្រទេសកម្ពុជា។ 

 

ការសិក្សាស្រាវជ្រាវនេះ មានគោលបំណងបង្ហាញអំពីអច្ឆរិយៈលក្ខណៈជីវសាស្ត្ររបស់ឧទ្យានជាតិវីរៈជ័យ។ លទ្ធផលទាំងខាងលើនេះ នឹងផ្ដល់ជាទិន្នន័យសម្រាប់ផែនការគ្រប់គ្រង ប្រកបដោយនិរន្តរភាពរបស់ឧទ្យានជាតិ។ 

 

សូមជម្រាបផងដែរថា ឧទ្យានជាតិវីរៈជ័យ ស្ថិតក្នុងភូមិសាស្ត្រខេត្តរតនគិរី និងខេត្តស្ទឹងត្រែង ដែលមានផ្ទៃដីជាង៣៣ម៉ឺនហិកតា។ ឧទ្យាននេះ មានសក្ដានុពលលើសត្វព្រៃ និងធម្មជាតិ ដោយមានសត្វព្រៃជាច្រើនដូចជា សត្វស្វាកន្ទុយស ទោច ជ្រូកព្រៃ ឈ្លូស ប្រើស ខ្លាត្រី ខ្លាពពក ខ្ទីង និងខ្លាឃ្មុំ ជាដើម៕