ទ្វីបអឺរ៉ុប ជាតំបន់សម្បូរប្រទេសមានសុភមង្គលជាងគេ។ ក្នុងចំណោម១០ប្រទេសលើតារាង មាន៩ប្រទេសទៅហើយដែលជាប្រទេសអឺរ៉ុប។ នូវែលសេឡង់ ជាប្រទេសក្រៅអឺរ៉ុបមួយគត់ជាប់ឈ្មោះក្នុងបញ្ជីកំពូលទាំង១០ប្រទេស។

 

បើតាម World Happiness Report  ការវាយតម្លៃលើសុខុមាលភាពរបស់ប្រជាជននៅតាមប្រទេសនីមួយៗលើពិភពលោកត្រូវបានធ្វើឡើងដោយការត្រួតពិនិត្យទៅលើ៦ចំណុចផ្សេងៗគ្នារួមមានផលិតផលក្នុងស្រុកសរុបសម្រាប់មនុស្សម្នាក់ៗ ការគាំទ្រពីសង្គម អាយុសង្ឃឹមរស់ សេរីភាពនៃជម្រើសជីវិតខ្លួនឯង ភាពសប្បុរសរបស់ប្រជាជនទូទៅ និងការយល់ឃើញអំពីកម្រិតនៃអំពើពុករលួយ។ ប្រទេសនីមួយៗត្រូវបានដាក់ពិន្ទុពី១ ទៅ១០ ពីប្រទេសគ្មានសេចក្តីសុខបំផុតទៅប្រទេសមានសេចក្តីសុខបំផុត។

 

 

១.ហ្វាំងឡង់ទទួលបានពិន្ទុ ៧,៨៨៩

២.អ៊ីស្លង់ទទួលបានពិន្ទុ ៧,៥៧៥

៣.ដាណឺម៉ាកទទួលបានពិន្ទុ ៧,៥១៥

៤.ស្វ៊ីសទទួលបានពិន្ទុ ៧,៥០៨

៥.ហូឡង់ទទួលបានពិន្ទុ ៧,៥០៤

៦.ស៊ុយអែតទទួលបានពិន្ទុ ៧,៣១៤

៧.អាល្លឺម៉ង់ទទួលបានពិន្ទុ ៧,៣១២

៨.ន័រវេសទទួលបានពិន្ទុ ៧,២៩០

៩.នូវែលសេឡង់ទទួលបានពិន្ទុ ៧,២៥៧

១០.អូទ្រីសទទួលបានពិន្ទុ ៧,២១៣

 

គួរបញ្ជាក់ថា តាំងពីឆ្នាំ ២០១៨ ហ្វាំងឡង់៣ឆ្នាំជាប់ៗគ្នាមកនេះជាប់ចំណាត់ថ្នាក់លេខ១ជាប្រទេសដែលប្រជាជនមានសេចក្តីសុខបំផុតក្នុងចំណោមប្រទេសទាំងអស់ក្នុងពិភពលោក៕