Sanden គឺជារោងចក្រនាំមុខផ្នែកម៉ាស៊ីនត្រជាក់សម្រាប់យានយន្ត។ របាយការណ៍បង្ហាញថា Apple បានពិភាក្សាលម្អិតជាមួយ Sanden ដើម្បីស្វែងយល់ពីតម្រូវការជាក់ស្តែង។ ទោះបីជាយ៉ាងណាក៏ដោយ ដំណើរការហាក់នៅទ្រឹង ដោយសារតែវិបត្តិហិរញ្ញវត្ថុបង្កដោយកូវីដ-១៩។

 

មកដល់បច្ចុប្បន្ននេះ មិនមានរបាយការណ៍ច្បាស់លាស់ណាមួយឡើយទាក់ទងនឹងកិច្ចពិភាក្សារវាងក្រុមហ៊ុនទាំងពីរ ខណៈមហិច្ឆតារបស់ Apple ក្នុងការវាយលុកទីផ្សារយានយន្តអគ្គិសនី នៅតែស្ថិតក្នុងពាក្យចចាមអារ៉ាមនៅឡើយ។

 

កាលពីខែវិច្ឆិកា ឆ្នាំ២០២១ សារព័ត៌មាន Bloomberg បានរាយការណ៍ថា Apple បានបង្កើនការងាររបស់ខ្លួនលើការផលិតយានយន្តអគ្គិសនីដែលមានសមត្ថភាពបើកបរពេញលេញ។ បើតាមលោក Mark Gurman ដែលអ្នកសារព័ត៌មានជំនាញបច្ចេកវិទ្យា Apple គ្រោងបើកដំណើរគម្រោងនៅឆ្នាំ២០២៥ ប៉ុន្តែបច្ចុប្បន្នស្ថិតក្នុងភាពស្រពេចស្រពិលវិញ ដោយសារជួបបញ្ហាច្រើនផ្ទួនៗគ្នា៕