អ្នកនាំពាក្យការបរទេសកម្ពុជា បានហៅការវាយប្រហារក្នុងទីក្រុងអាប៊ុយដាប៊ី ថាជាការវាយប្រហារ ដែលឲ្យស្អប់ខ្ពើម។ អ្នកនាំពាក្យ សរសេរក្នុងសេចក្តីថ្លែងការណ៍ថា៖«កម្ពុជា អំពាវនាវឲ្យបញ្ឈប់រាល់សកម្មភាពហិង្សា ដែលធ្វើឲ្យប៉ះពាល់ដល់សន្តិភាព ស្ថិរភាព សន្តិសុខក្នុងតំបន់ និងអាយុជីវិតជនស៊ីវិល»។  
 

តាមការផ្សាយរបស់សារព័ត៌មានបរទេសនានា មានជនជាតិឥណ្ឌា២នាក់ ជនជាតិប៉ាគីស្ថានម្នាក់ បានស្លាប់ និងជនស៊ីវិល៦នាក់ទៀត បានរងរបួសក្នុងការប្រហារនេះ៕