អន្តរជាតិ
ផ្សារភាគហ៊ុននៅអាស៊ី ធ្លាក់ចុះខ្លាំងក្រោយលោកពូទីនបញ្ជាទ័ពឲ្យចូលតំបន់ខាងកើតអ៊ុយក្រែន
បុរសម្នាក់ ដើរកាត់ខាងមុខអេក្រង់ដែលបង្ហាញពីហ៊ុននៃក្រុមហ៊ុនមូលបត្រក្នុងទីក្រុងតូក្យូ កាលពីថ្ងៃទី២០ ខែមករា ឆ្នាំ២០២១
×![]()
ដោយ: VOA
ទីក្រុងបាងកក- ភាគហ៊ុនបានធ្លាក់ចុះយ៉ាងខ្លាំងនៅអាស៊ីកាលពីថ្ងៃអង្គារ បន្ទាប់ពីប្រធានាធិបតីរុស្ស៊ីលោក Vladimir Putin បានបញ្ជាឲ្យកងទ័ពចូលក្នុងតំបន់ទាមទារបំបែករដ្ឋនៅភាគខាងកើតប្រទេសអ៊ុយក្រែន ដែលបង្ហាញឲ្យឃើញថា ការឈ្លានពានដែលគេភ័យខ្លាចយូរមកហើយនោះ អាចកើតមានឡើង។ នេះបើតាមសេចក្តីរាយការណ៍របស់ទីភ្នាក់ងារព័ត៌មាន AP។
សន្ទស្សន៍ភាគហ៊ុន Nikkei នៅទីក្រុងតូក្យូ បានធ្លាក់ចុះ ១.៨% ហើយភាគហ៊ុន Hang Seng ក្នុងទីក្រុងហុងកុង បានធ្លាក់ចុះ ៣.២% នៅក្នុងការលក់ដូរកាលពីពេលព្រឹក។
ចំណែកនៅសហរដ្ឋអាមេរិក ទីផ្សារភាគហ៊ុន S&P 500 បានធ្លាក់ចុះ ១.៥ ភាគរយ ខណៈដែលផ្សារភាគហ៊ុន Dow industrials បានខាតបង់ ១.៣ ភាគរយ។
នៅទ្វីបអឺរ៉ុបវិញ តម្លៃភាគហ៊ុនបានធ្លាក់ចុះ នៅពេលដែលអ្នកវិនិយោគ បានរង់ចាំការវិវត្តព្រឹត្តិការណ៍វិបត្តិនៅអ៊ុយក្រែន។ ទាំងភាគហ៊ុន DAX របស់អាល្លឺម៉ង់ និង CAC 40 របស់បារាំង បានធ្លាក់ចុះយ៉ាងតិច ២%។
ចំណែកផ្សារភាគហ៊ុន MOEX របស់រុស្ស៊ី បានធ្លាក់ចុះជិត ១១%។ តម្លៃប្រាក់រូបរបស់រុស្ស៊ី បានធ្លាក់ចុះ ៣.២% បើប្រៀបធៀបទៅនឹងប្រាក់ដុល្លារសហរដ្ឋអាមេរិក៕
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 4 ថ្ងៃ
