ជាតិ
សម្តេច ហ៊ុន សែន ស្នើឲ្យពិចារណាបង្កើនតួនាទីពលរដ្ឋខ្មែរ-ឥស្លាមក្នុងជួរដឹកនាំមូលដ្ឋាន
× សម្តេចនាយករដ្ឋមន្ត្រី ហ៊ុន សែន នាពិធីបិទសន្និបាតប្រចាំឆ្នាំរបស់ក្រសួងមហាផ្ទៃ នៅថ្ងៃនេះ ស្នើឲ្យពិចារណាលើការតែងតាំងពលរដ្ឋខ្មែរ-ឥស្លាម ក្នុងតំណែងអភិបាលរងខេត្ត ស្រុក ខណ្ឌ សម្រាប់មូលដ្ឋានដែលសម្បូរពលរដ្ឋខ្មែរ-ឥស្លាមរស់នៅច្រើន។
ប្រមុខរដ្ឋាភិបាលបានបញ្ជាក់ថា នេះមិនមែនជាកូតានោះឡើយ ប៉ុន្តែជាគោលនយោបាយដែលត្រូវយកចិត្តទុកដាក់ ដើម្បីភាពងាយស្រួលទំនាក់ទំនងក្នុងសហគមន៍ និងសុខដុមរមណីសាសនា។
សម្តេចបានលើកឡើងថា ការអនុវត្តនេះ ធ្វើឡើងសម្រាប់បណ្តាខេត្តដែលមានពលរដ្ឋខ្មែរ-ឥស្លាមរស់នៅច្រើន ដូចជា កំពង់ចាម ក្រចេះ កំពង់ធំ កំពង់ឆ្នាំង ពោធិ៍សាត់ កំពត និងភ្នំពេញជាច្រើន។ នេះជាការអនុវត្តនៅខេត្តកោះកុង ស្ទឹងត្រែង រតនគិរី និងមណ្ឌលគិរី ដែលបានតែងតាំងជនជាតិដើមភាគតិច សម្រាប់មុខតំណែងជាអភិបាលរង។
«បញ្ហាដែលកើតឡើងនៅក្នុងតំបន់ឥស្លាម រស់នៅ មានតែថ្នាក់ដឹកនាំខាងឥស្លាម អាចដោះស្រាយបាន»។ នេះជាការបញ្ជាក់របស់សម្តេច ហ៊ុន សែន៕ © រក្សាសិទ្ធិដោយ thmeythmey.com