រដ្ឋាភិបាលរុស្ស៊ី បានបើកការវាយប្រហារលើអ៊ុយក្រែន កាលពីថ្ងៃទី២៤ កុម្ភៈ ក្រោមហេតុផលជួយក្រុមរដ្ឋាភិបាលផ្ដាច់ខ្លួនភាគខាងកើត នៃប្រទេសអ៊ុយក្រែន។ រដ្ឋាភិបាលផ្ដាច់ខ្លួនពីអ៊ុយក្រែន មានតំបន់លូហាន និងតំបន់ដូណេត្ស ទៅបង្កើតរដ្ឋឯករាជ្យ ដែលមានការទទួលស្គាល់ពីរុស្ស៊ី។
 

ជុំវិញការប្រហារនេះ មេដឹកនាំជុំវិញពិភពលោក បានចេញមុខថ្កោលទោស និងដាក់ទណ្ឌកម្មលើរុស្ស៊ីផងដែរ។ ចំណែកប្រធានាធីបតីអ៊ុយក្រែនលោក Volodymyr Zelensky បានចេញបញ្ជាហាមឃាត់ប្រជាជនអ៊ុយក្រែនប្រុសៗមានវ័យចន្លោះពី ១៨ដល់ ៦០ ឆ្នាំ ចាកចេញពីប្រទេស ក្នុងបំណងកេណ្ឌ ប្រជាជនទាំងនោះដើម្បីច្បាំងប្រឆាំងសត្រូវ។ មេដឹកនាំរូបនេះក៏សន្យាផ្តល់អាវុធ ដល់ពលរដ្ឋណាដែលស្ម័គ្រចិត្តផងដែរ។ ដើម្បីទទួលយកអាវុធមកប្រើប្រាស់បាន ប្រជាជនអ៊ុយក្រែន ចាំបាច់ត្រូវមានតែអត្តសញ្ញណបណ្ណសម្គាល់ខ្លួនមួយមុខប៉ុណ្ណោះ៕