ក្រោយធ្វើតេស្តរថយន្តនៅបារ៉ែននាថ្ងៃទី១៣ ខែមីនា Hamilton មើលឃើញថារថយន្ត Mercedes ដែលខ្លួនបានបើកសាកល្បង មិនមានសក្តានុពលក្នុងកម្រិតលំដាប់កំពូលដើម្បីប្រជែងពាន F1 រដូវកាលថ្មីនេះនោះទេ។ 
 

ស្របពេលព្រឹត្តិការណ៍ F1 នឹងចាប់ផ្តើមការប្រណាំងបើកឆាកនៅសប្តាហ៍ក្រោយនៅប្រទេសបារ៉ែន អ្នកប្រណាំងសញ្ជាតិអង់គ្លេសរូបនេះប្រាប់អ្នកយកព័ត៌មានថារ Mercedes មិនប្រសើរជាងរដូវកាលមុនទេ
 

«ខ្ញុំសង្ឃឹមថាក្រុមហ៊ុន Mercedes នឹងកែសម្រួលល្បឿនរថយន្តឱ្យប្រសើរជាងនេះ។ នៅសប្តាហ៍ក្រោយ យើងនឹងទទួលបានការបង្ហាញពីល្បឿនរបស់យើងកាន់តែប្រសើរជាងមុន»។
 

អំឡុងពេលសាកល្បងរថយន្តនេះដែរ ម្ចាស់ការពារតំណែងជើងឯង Max Verstappen និងជាគូប្រជែងដ៏ស្ថិតស្វាញរបស់ Hamilton ធ្វើបានល្បឿនលឿនបំផុតដ៏គួរឱ្យចាប់អារម្មណ៍ជាមួយ Red Bull។ ក្រុមប្រណាំង Red Bull បានបង្ហាញពីការធ្វើឱ្យប្រសើរឡើងថែមទៀតសម្រាប់ក្រុមរបស់ខ្លួន បើទោះពួកគេបានផ្លាស់ប្តូររថយន្តថ្មីសម្រាប់រដូវកាល ២០២២។
 

Hamilton បានធ្វើតេស្តរថយន្ត Mercedes ក្នុងចំណាត់ថ្នាក់ទី៣ ពោលគឺបន្ទាប់ពី Ferrari ដែលបញ្ចប់លេខ២ និង Red Bull ដែលធ្វើបានលឿនជាងគេ៕