ការស្រលាញ់ភេទដូចគ្នា គឺជារឿងដែលខុសច្បាប់នៅក្នុងរដ្ឋ ដែលស្ថិតនៅតាមឈូងសមុទ្រពែរ្សមួយនេះ និងបញ្ហាសិទ្ធិរបស់ស្ត្រី។ របាយការណ៍របស់អង្គការលើកលែងទោសអន្តរជាតិ (Amnesty International) រកឃើញថា មានជនអន្តោប្រវេសន៍រាប់ពាន់នាក់ ដែលធ្វើការនៅកាតា រងការកេងប្រវ័ញ្ញ។ ប្រទេសកាតា បានបដិសេធលើបញ្ហាទាំងនេះជាច្រើនលើក។
 

ជុំវិញករណីនេះ គ្រូបង្វឹកជម្រើសជាតិអង់គ្លេស លោក Southgate បាននិយាយចំអកឱ្យប្រទេសកាតាថា ជារឿងមួយដ៏គួរឱ្យអាម៉ាស់ដែលមាន ការរារាំងអ្នកគាំទ្រ ទៅទស្សនាការប្រកួត World Cup 2022 ដោយសារតែបញ្ហាសិទ្ធិស្រ្តីក្នុងប្រទេសកាតា និងបញ្ហាសមាគមអ្នកស្រលាញ់ភេទដូចគ្នា LGBTQ+។
 

ការលើករបស់គ្រូបង្វឹកជម្រើសជាតិអង់គ្លេសរូបនេះ បានធ្វើឱ្យលោក Nasser Al-Khater នាយក World Cup កាតា មិនសប្បាយចិត្តឡើយ។ លោក Nasser Al-Khater ចាត់ទុកការលើកឡើងរបស់លោក Gareth Southgate ជាបកស្រាយមិនត្រឹមត្រូវតាមស្ថានភាពជាក់ស្ដែង។
 

«ខ្ញុំគិតថា មុននឹងនិយាយសេចក្តីថ្លែងការណ៍ណាមួយដូចនេះ ហើយវាបានប៉ះពាល់ដល់កម្មករទាំងនោះ គាត់គួរតែមកទីនេះ ដើម្បីនិយាយទៅកាន់កម្មករ ហើយស្វែងយល់ពីកម្មករដែលនៅទីនេះផ្ទាល់»។ លោក Al-Khater និយាយប្រាប់ទូរទស្សន៍ Sky Sports បែបនេះ។
 

លោក Al-Khater ក៏បាននិយាយសំដៅចំៗ ទៅកាន់លោក Southgate ថា គ្រូបង្វឹកជម្រើសជាតិអង់គ្លេសរូបនេះ ជាបុគ្គលម្នាក់ដែលមានឥទ្ធិពលខ្លាំងក្លា ហើយមានអ្នកស្តាប់ច្រើន ដូច្នេះ គួរណាប្រើពាក្យក្នុងការនិយាយ ឱ្យមានការប្រុងប្រយ័ត្ន។
 

មិនត្រឹមតែប៉ុណ្ណោះ លោក Al-Khater អះអាងថា នឹងរកឱកាសនិយាយជាមួយលោក Southgate អំពីបញ្ហាកង្វល់ទាំងនេះ នាពេលចាប់ពូល World Cup 2022 នៅទីក្រុងឌូហា នៅថ្ងៃទី១ ខែមេសា ៕