កីឡាអន្តរជាតិ
អន្តរជាតិ
Rooney ៖ Pogba គួរដល់ពេលចាកចេញពី Man Utd ហើយ
× អតីតខ្សែប្រយុទ្ធបិសាចក្រហម Manchester United លោក Wayne Rooney នាថ្ងៃទី៥ ខែមីនា បានបង្ហាញការជឿជាក់ថា ខ្សែបម្រើ Paul Pogba គួរតែដល់ពេលចាកចេញពីក្រុមបិសាចក្រហមនៅចប់រដូវកាល២០២១-២២។
ខ្សែបម្រើសញ្ជាតិបារាំង Paul Pogba ជាកីឡាករដែលក្រុមបិសាចក្រហមនាំចូលក្នុងតម្លៃថ្លៃបំផុត ក្នុងប្រវត្តិសាស្ត្រក្លិប ដែលផ្ទេរមកពីក្លិប Juventus ក្នុងឆ្នាំ ២០១៦។
ទោះជាយ៉ាងនេះ ការមកដល់របស់ខ្សែបម្រើបារាំងរូបនេះ មិនអាចជួយក្រុម Man UTD ឈ្នះពានរង្វាន់លីគកំពូលអង់គ្លេស Premier League បានឡើយ។ មកដល់ពេលបច្ចុប្បន្ន អនាគតរបស់គេនៅក្លិបយក្សអង់គ្លេស កំពុងស្ថិតក្នុងភាពស្រពិចស្រពិល ខណៈខ្សែបម្រើ Bruno Fernandes កំពុងមានទម្រង់ល្អក្នុងតំបន់បម្រើ។
Paul Pogba ជួយបិសាចក្រហមឈ្នះពានរង្វាន់ត្រឹម២ប៉ុណ្ណោះ ហើយកិច្ចសន្យារបស់គេនឹងត្រូវផុតនាចុងបញ្ចប់រដូវកាល ២០២១-២២ នេះតែម្តង។
«ខ្ញុំពិតជាដឹងច្បាស់ពីរឿងនេះ ហើយក៏ដឹងថា គាត់គួរតែផ្លាស់ទីទៅកន្លែងផ្សេងទើបជាការល្អ។ ប្រសិនបើ Paul ស្មោះត្រង់ជាមួយខ្លួនគាត់ គាត់នឹងមិនធ្វើឱ្យមានផលប៉ះពាល់ដល់ខ្លួនដូចនេះឡើយ ចាប់តាំងពីពេលត្រលប់មកវិញ»។ គ្រូបង្វឹកក្លិប Derby County និយាយប្រាប់ទៅកាន់ទូរទស្សន៍ Sky Sports បែបនេះ។
មិនត្រឹមតែប៉ុណ្ណោះ លោក Rooney ក៏បានបញ្ជាក់បន្ថែមថា Pogba គឺជាកីឡាករ២ផ្សេងគ្នា នៅពេលលេងឱ្យប្រទេសបារាំង គេប្រៀបបានជាអ្នកគ្រប់គ្រងការប្រកួតទាំងមូល ខុសពីលេងឱ្យក្លិបបិសាចក្រហម។
លើសពីនេះ គ្រូបង្វឹកវ័យ៣៦ ក៏បានស្នើទៅកាន់លោក Mauricio Pochettino ឱ្យមកដឹកនាំក្លិបបិសាចក្រហមនារដូវកាលក្រោយ ព្រមទាំងឱ្យជួយកែទម្រង់ក្លិបជាថ្មី៕
Tag:
Wayne Rooney
Manchester United
© រក្សាសិទ្ធិដោយ thmeythmey.com