សេដ្ឋកិច្ចអន្តរជាតិ
អន្តរជាតិ
ក្រុមប្រទេសG7 ដើរតួយ៉ាងសំខាន់លើការគ្រប់គ្រងពាណិជ្ជកម្មពិភពលោក និងប្រព័ន្ធហិរញ្ញវត្ថុអន្តរជាតិ
រូបភាព៖ AFP
×![]()
ក្រុមប្រទេសទាំង៧ ជាវេទិកាអន្តររដ្ឋាភិបាលដែលបង្កើតឡើងតាំងពីឆ្នាំ១៩៧៥ និងប្រមូលផ្តុំទៅដោយប្រទេសមានឧស្សាហកម្មឈានមុខគេរបស់ពិភពលោក។ ក្រុមប្រទេសមួយនេះ បានដើរតួយ៉ាងសំខាន់លើការគ្រប់គ្រងពាណិជ្ជកម្មពិភពលោក និងប្រព័ន្ធហិរញ្ញវត្ថុអន្តរជាតិ។
ក្រុមប្រទេសមានសេដ្ឋកិច្ចរីកចម្រើនទាំង៧(G7) មានសមាជិកដូចជាបារាំង អាល្លឺម៉ង់ អ៊ីតាលី ជប៉ុន អាម៉េរិក អង់គ្លេស និងកាណាដាជាដើម។ ចាប់តាំងពីឆ្នាំ១៩៩៨ មក G7 បានក្លាយជាក្រុមប្រទេសមានសេដ្ឋកិច្ចជឿនលឿនទាំង ៨ ដោយរួមបញ្ចូលទាំងរុស្ស៊ីមួយទៀត។ ប៉ុន្តែរុស្ស៊ីត្រូវបាន ប្រធានាធិបតីអាម៉េរិក បារ៉ាក់ អូបាម៉ា និងបណ្តាមេដឹកនាំផ្សេងទៀតនៅឆ្នាំ២០១៤ បានមូលមតិគ្នាដករុស្ស៊ីចេញពីក្រុម ក្រោយពីរុស្ស៊ីគ្រប់គ្រងតំបន់គ្រីមៀ។ ចាប់ពីនោះមក ក្រុមប្រទេស G8 បានក្លាយជាក្រុមប្រទេស G7 ជាថ្មី។
គោលបំណងរបស់កិច្ចប្រជុំរបស់ G7
ជារៀងរាល់ឆ្នាំ G7 តែងតែបើកកិច្ចប្រជុំកំពូលដើម្បីពិភាក្សារកដំណោះស្រាយសកល ដោយផ្តោតជាពិសេសលើបញ្ហាសេដ្ឋកិច្ច។ ប្រមុខរដ្ឋាភិបាល និងប្រមុខរដ្ឋនៃប្រទេសសមាជិកនីមួយៗ ព្រមទាំងប្រធានគណៈកម្មាការ និងប្រធានក្រុមប្រឹក្សានៃសហភាពអឺរ៉ុប តែងតែជួបប្រជុំគ្នាប្រចាំឆ្នាំ នៅឯកិច្ចប្រជុំកំពូលG7។ អ្នកតំណាងនៃបណ្តារដ្ឋផ្សេងទៀត និងអង្គការអន្តរជាតិ ក៏ត្រូវបានអញ្ជើញជាភ្ញៀវចូលរួមផងដែរ។
ក្នុងឆ្នាំ២០២២ អាល្លឺម៉ង់កាន់តំណែងជាប្រធានផ្លាស់វេនរបស់ G7 ហើយនឹងធ្វើជាម្ចាស់ផ្ទះបើកកិច្ចប្រជុំកំពូលនាខែមិថុនាខាងមុខ នៅតំបន់ជួរភ្នំ Bavarian Alps។ ចាប់តាំងពីការបង្កើតឡើង ក្រុមប្រទេសមានសេដ្ឋកិច្ចជឿនលឿននេះ បានជួយជ្រោមជ្រែងលើបញ្ហាជាច្រើនរួមមានវិបត្តិហិរញ្ញវត្ថុ ប្រព័ន្ធរូបិយវត្ថុ និងវិបត្តិពិភពលោកសំខាន់ៗដូចជាកង្វះប្រេង ជំងឺកូវីដ-១៩ សន្តិសុខអន្តរជាតិ និងវិបត្តិបម្រែបម្រួលអាកាសធាតុផងដែរ។
ប្រវត្តិនៃការបង្កើតឡើងនៅក្រុមប្រទេសអភិវឌ្ឍន៍ទាំង៧(G7)
នៅឆ្នាំ១៩៧៥ ប្រមុខរដ្ឋ និងរដ្ឋាភិបាលនៃប្រទេសឧស្សាហកម្មឈានមុខគេទាំង៦ បានជួបប្រជុំគ្នាជាលើកដំបូង ដើម្បីពិភាក្សាពីបញ្ហាសេដ្ឋកិច្ចពិភពលោកដ៏ដុនដាប ក្រោយពីការដួលរំលំប្រព័ន្ធសេដ្ឋកិច្ច Bretton Wood និងវិបត្តិប្រេងជាលើកដំបូង ( Oil shock) នៅឆ្នាំ១៩៧៣។ នៅពេលនោះ កាណាដា និងរុស្ស៊ី នៅមិនទាន់ក្លាយជាសមាជិកឡើយ ដោយកាណាដា ចូលជាសមាជិកនៅឆ្នាំ១៩៧៦ ហើយរុស្ស៊ី ចូលនៅឆ្នាំ១៩៩៨។
ជំនួបរវាងក្រុមប្រទេសទាំង៦ជាលើកទី១ ត្រូវបានផ្តួចផ្តើមឡើងដោយប្រធានាធិបតីបារាំង លោក Valéry Giscard d’Estaing និងអធិការបតីអាល្លឺម៉ង់ លោក Helmut Schmidt ។ កិច្ចប្រជុំដំបូងក្នុងឆ្នាំ១៩៧៥ បានរៀបចំឡើងនៅ Chateau de Rambouillet ដែលមានចម្ងាយ៥០គីឡូម៉ែត្រពីភាគនិរតីនៃទីក្រុងប៉ារីស។ ស្ថិតក្នុងកិច្ចប្រជុំនោះ ប្រមុខរដ្ឋ និងរដ្ឋាភិបាលរបស់បារាំង អាល្លឺម៉ង់ខាងលិច អាម៉េរិក ជប៉ុន អង់គ្លេស និងអ៊ីតាលី បានពិភាក្សាពីវិបត្តិប្រេង បញ្ហាហិរញ្ញវត្ថុ និងដំណោះស្រាយចេញពីការធ្លាក់ចុះនៃសេដ្ឋកិច្ច។ ក្រុមប្រទេសទាំងនោះ បានយល់ព្រមជួបប្រជុំគ្នារៀងរាល់ឆ្នាំ និងផ្លាស់ប្តូរប្រធានវិលជុំ។
បច្ចុប្បន្នសមាជិក របស់G7ទាំងអស់ តំណាងឱ្យផលិតផលក្នុងស្រុកសរុបរបស់ពិភពលោកជិត៤០ភាគរយ និង១០ភាគរយនៃចំនួនប្រជាជនសរុបលើពិភពលោក។ ប៉ុន្តែ វាត្រូវបានកត់សម្គាល់ថា មានការធ្លាក់ចុះ បើធៀបនឹងឆ្នាំ១៩៧៥ ដែលកុ្រមប្រទេសនោះ តំណាងរហូតដល់ចំនួន៧០ភាគរយនៃ GDPសរុបរបស់ពិភពលោក៕
ក្រុមប្រទេសមានសេដ្ឋកិច្ចរីកចម្រើនទាំង៧(G7) មានសមាជិកដូចជាបារាំង អាល្លឺម៉ង់ អ៊ីតាលី ជប៉ុន អាម៉េរិក អង់គ្លេស និងកាណាដាជាដើម។ ចាប់តាំងពីឆ្នាំ១៩៩៨ មក G7 បានក្លាយជាក្រុមប្រទេសមានសេដ្ឋកិច្ចជឿនលឿនទាំង ៨ ដោយរួមបញ្ចូលទាំងរុស្ស៊ីមួយទៀត។ ប៉ុន្តែរុស្ស៊ីត្រូវបាន ប្រធានាធិបតីអាម៉េរិក បារ៉ាក់ អូបាម៉ា និងបណ្តាមេដឹកនាំផ្សេងទៀតនៅឆ្នាំ២០១៤ បានមូលមតិគ្នាដករុស្ស៊ីចេញពីក្រុម ក្រោយពីរុស្ស៊ីគ្រប់គ្រងតំបន់គ្រីមៀ។ ចាប់ពីនោះមក ក្រុមប្រទេស G8 បានក្លាយជាក្រុមប្រទេស G7 ជាថ្មី។
គោលបំណងរបស់កិច្ចប្រជុំរបស់ G7
ជារៀងរាល់ឆ្នាំ G7 តែងតែបើកកិច្ចប្រជុំកំពូលដើម្បីពិភាក្សារកដំណោះស្រាយសកល ដោយផ្តោតជាពិសេសលើបញ្ហាសេដ្ឋកិច្ច។ ប្រមុខរដ្ឋាភិបាល និងប្រមុខរដ្ឋនៃប្រទេសសមាជិកនីមួយៗ ព្រមទាំងប្រធានគណៈកម្មាការ និងប្រធានក្រុមប្រឹក្សានៃសហភាពអឺរ៉ុប តែងតែជួបប្រជុំគ្នាប្រចាំឆ្នាំ នៅឯកិច្ចប្រជុំកំពូលG7។ អ្នកតំណាងនៃបណ្តារដ្ឋផ្សេងទៀត និងអង្គការអន្តរជាតិ ក៏ត្រូវបានអញ្ជើញជាភ្ញៀវចូលរួមផងដែរ។
ក្នុងឆ្នាំ២០២២ អាល្លឺម៉ង់កាន់តំណែងជាប្រធានផ្លាស់វេនរបស់ G7 ហើយនឹងធ្វើជាម្ចាស់ផ្ទះបើកកិច្ចប្រជុំកំពូលនាខែមិថុនាខាងមុខ នៅតំបន់ជួរភ្នំ Bavarian Alps។ ចាប់តាំងពីការបង្កើតឡើង ក្រុមប្រទេសមានសេដ្ឋកិច្ចជឿនលឿននេះ បានជួយជ្រោមជ្រែងលើបញ្ហាជាច្រើនរួមមានវិបត្តិហិរញ្ញវត្ថុ ប្រព័ន្ធរូបិយវត្ថុ និងវិបត្តិពិភពលោកសំខាន់ៗដូចជាកង្វះប្រេង ជំងឺកូវីដ-១៩ សន្តិសុខអន្តរជាតិ និងវិបត្តិបម្រែបម្រួលអាកាសធាតុផងដែរ។
ប្រវត្តិនៃការបង្កើតឡើងនៅក្រុមប្រទេសអភិវឌ្ឍន៍ទាំង៧(G7)
នៅឆ្នាំ១៩៧៥ ប្រមុខរដ្ឋ និងរដ្ឋាភិបាលនៃប្រទេសឧស្សាហកម្មឈានមុខគេទាំង៦ បានជួបប្រជុំគ្នាជាលើកដំបូង ដើម្បីពិភាក្សាពីបញ្ហាសេដ្ឋកិច្ចពិភពលោកដ៏ដុនដាប ក្រោយពីការដួលរំលំប្រព័ន្ធសេដ្ឋកិច្ច Bretton Wood និងវិបត្តិប្រេងជាលើកដំបូង ( Oil shock) នៅឆ្នាំ១៩៧៣។ នៅពេលនោះ កាណាដា និងរុស្ស៊ី នៅមិនទាន់ក្លាយជាសមាជិកឡើយ ដោយកាណាដា ចូលជាសមាជិកនៅឆ្នាំ១៩៧៦ ហើយរុស្ស៊ី ចូលនៅឆ្នាំ១៩៩៨។
ជំនួបរវាងក្រុមប្រទេសទាំង៦ជាលើកទី១ ត្រូវបានផ្តួចផ្តើមឡើងដោយប្រធានាធិបតីបារាំង លោក Valéry Giscard d’Estaing និងអធិការបតីអាល្លឺម៉ង់ លោក Helmut Schmidt ។ កិច្ចប្រជុំដំបូងក្នុងឆ្នាំ១៩៧៥ បានរៀបចំឡើងនៅ Chateau de Rambouillet ដែលមានចម្ងាយ៥០គីឡូម៉ែត្រពីភាគនិរតីនៃទីក្រុងប៉ារីស។ ស្ថិតក្នុងកិច្ចប្រជុំនោះ ប្រមុខរដ្ឋ និងរដ្ឋាភិបាលរបស់បារាំង អាល្លឺម៉ង់ខាងលិច អាម៉េរិក ជប៉ុន អង់គ្លេស និងអ៊ីតាលី បានពិភាក្សាពីវិបត្តិប្រេង បញ្ហាហិរញ្ញវត្ថុ និងដំណោះស្រាយចេញពីការធ្លាក់ចុះនៃសេដ្ឋកិច្ច។ ក្រុមប្រទេសទាំងនោះ បានយល់ព្រមជួបប្រជុំគ្នារៀងរាល់ឆ្នាំ និងផ្លាស់ប្តូរប្រធានវិលជុំ។
បច្ចុប្បន្នសមាជិក របស់G7ទាំងអស់ តំណាងឱ្យផលិតផលក្នុងស្រុកសរុបរបស់ពិភពលោកជិត៤០ភាគរយ និង១០ភាគរយនៃចំនួនប្រជាជនសរុបលើពិភពលោក។ ប៉ុន្តែ វាត្រូវបានកត់សម្គាល់ថា មានការធ្លាក់ចុះ បើធៀបនឹងឆ្នាំ១៩៧៥ ដែលកុ្រមប្រទេសនោះ តំណាងរហូតដល់ចំនួន៧០ភាគរយនៃ GDPសរុបរបស់ពិភពលោក៕
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 3 ថ្ងៃ
