ជ័យជម្នះនេះ ជាការប្រកួតលើកដំបូងដែលខ្សែប្រយុទ្ធសញ្ជាតិប្រេស៊ីល និងបារាំងស៊ុតបាន៣គ្រាប់ដូចគ្នាក្នុងការប្រកួតតែមួយ។ ខ្សែប្រយុទ្ធ Lionel Messi បានក្លាយជាកីឡាករដំបូវនៅ Ligue 1 ដែលបញ្ជូនបាល់៣គ្រាប់ឱ្យមិត្តរួមក្រុមស៊ុតចូលក្នុងការប្រកួតផងដែរ។
 

ខ្សែប្រយុទ្ធវ័យ៣០ឆ្នាំ ទទួលស្គាល់ថា រឿងដ៏អាម៉ាស់បំផុតដែល តារាឆ្នើមទាំង៣រូបមិនសូវបានលេងជាមួយគ្នាបានច្រើនក្នុងរដូវកាល ២០២១-២២។ ​ទោះជាយ៉ាងណា Neymar បានអះអាងបន្ថែមថា ខ្សែប្រយុទ្ធ៣របស់ PSG កំពុងមានភាពស្និទ្ធស្នាលគ្នាខ្លាំងឡើង។
 

«ខ្ញុំពិតជាសប្បាយចិត្តយ៉ាងខ្លាំងចំពោះការរកបាន Hat-Trick លើកទី២ក្នុងរដូវកាលនេះ។ ខ្ញុំសប្បាយចិត្តចំពោះជ័យជម្នះរបស់ក្រុម វាសំខាន់ខ្លាំងណាស់ដែលទំនាក់ទំនងរវាងយើងទាំង៣កំពុងកើតឡើងខ្លាំងទៅរាល់គ្រប់ការប្រកួត។ Leo និង Kylian ពិតជាមានទេពកោសល្យខ្លាំងណាស់»។ Neymar និយាយបែបនេះក្រោយចប់ការប្រកួត។
 

នេះជាជ័យជម្នះលើកទី១៤ របស់ PSG នៅរាល់គ្រប់ការប្រកួតដែលខ្សែប្រយុទ្ធទាំង៣ បានចូលរួមលេងជាមួយគ្នាក្នុងរដូវកាលនេះ៕