អន្តរជាតិ
អតីតអ្នកការទូតបារាំង ចង់ឃើញស្តង់ដាររួមរវាងវិបត្តិរុស្ស៊ី-អ៊ុយក្រែន និងអាម៉េរិក-អ៊ីរ៉ាក់
×![]()
ដោយ ពុធ មីនា
លោក Gérard Araud អតីតឯកអគ្គរដ្ឋទូតបារាំងប្រចាំសហរដ្ឋអាម៉េរិក និងជាអតីតតំណាងអចិន្ត្រៃយ៍របស់បារាំងប្រចាំអង្គការសហប្រជាជាតិ បានប្រៀបធៀបការឈ្លានពានរបស់រុស្ស៊ី ទៅលើអ៊ុយក្រែន ទៅនឹងប្រតិបត្តិការយោធាអាម៉េរិលើអ៊ីរ៉ាក់ កាលពីឆ្នាំ២០០៣។ 
«លោកខាងលិចកំពុងបង្រៀនពិភពលោកទាំងមូលអំពីការប្រើប្រាស់ស្តង់ដារពីរ។ ខ្ញុំហ៊ាននិយាយថា ការឈ្លានពានលើអ៊ុយក្រែន មិនមែនជារឿងអាស្រូវជាងការឈ្លានពានលើអ៊ីរ៉ាក់កាលពីឆ្នាំ២០០៣នោះឡើយ។ បារាំងបានប្រឆាំងការឈ្លានពានអ៊ីរ៉ាក់ដោយសហរដ្ឋអាម៉េរិក»។ លោក Araud បានលើកឡើងយ៉ាងដូច្នេះក្នុងបទសម្ភាសមួយជាមួយសារព័ត៌មាន Global Times។
អតីតអ្នកការទូតបារាំងរូបនេះ បានកត់សម្គាល់ថា នារយៈពេល៣០ឆ្នាំចុងក្រោយនេះ ចិនមិនមានអន្តរាគមន៍យោធាណាមួយឡើយ ផ្ទុយទៅវិញ សហរដ្ឋអាម៉េរិក មានបញ្ជីអន្តរាគមន៍យោធាយ៉ាងវែងមួយ។
លោក Araud បានលើកឡើងថា ខណៈមហាអំណាចលោកខាងលិចនាំគ្នាថ្កោលទោសសកម្មភាពរបស់ទីក្រុងមូស្គូ ខណៈចិន ឥណ្ឌា អាហ្វ្រិកខាងត្បូង មិនបានបោះឆ្នោតប្រឆាំងរុស្ស៊ី ក្នុងមហាសន្និបាតអង្គការសហប្រជាជាតិនោះទេ។
លោកបានរំលឹកផងដែរ ក្នុងនាមជាតំណាងអចិន្ត្រៃយ៍ប្រចាំអង្គការសហប្រជាជាតិ លោកតែងតែប្រឈមនឹងការអាក់អន់ចិត្តចំពោះលោកខាងលិចក្នុងចំណោមតំណាងប្រទេសអតីតលោក ដោយសារតែពួកគេធ្លាប់ស្ថិតនៅក្រោមអាណានិគម។
ជាមួយគ្នានេះ អតីតអ្នកការទូតបារាំង បានស្នើឲ្យមេដឹកនាំលោកខាងលិចពិចារណាផ្លាស់ប្តូរអាកប្បកិរិយារបស់ខ្លួន ហើយលោកមិនយល់ស្របនោះឡើយ ដែលថា វិធានការនានារបស់សេតវិមាន ជាសញ្ញានៃសេរីភាពនៅក្នុងពិភពលោក៕
© រក្សាសិទ្ធិដោយ thmeythmey.com
