ជាមួយគ្នានេះ សម្តេច ហេង សំរិន បានដាក់សំណើមួយចំនួន ទៅភាគីឥណ្ឌា រួមមាន ពន្លឿនការបង្កើតឲ្យមានកិច្ចព្រមព្រៀងពាណិជ្ជកម្មសេរីរវាងប្រទេសទំាង២ បន្តគំាទ្រការបណ្តុះបណ្តាលធនធានមនុស្សនៅកម្ពុជា ជួយស្តារបេតិកភណ្ឌប្រាសាទបាយ័ន និងប្រាសាទព្រះវិហារ។ លោក អំ បឺឡា សន្យាថា នឹងផ្តល់ចម្លើយជាវិជ្ជមានជូនសម្តេច តាមរយៈឯកអគ្គរដ្ឋទូតឥណ្ឌាប្រចំានៅកម្ពុជា។ 

 

ក្រៅពីនេះ សម្តេច ហេង សំរិន និង លោក អំ បឺឡា បានបង្ហាញការប្តេជ្ញាក្នុងការពង្រឹងកិច្ចសហប្រតិបត្តិការរវាងស្ថាប័នរដ្ឋសភាប្រទេសទំាង២ ឲ្យកាន់តែស៊ីជម្រៅ។ 

 

បន្ទាប់ពីជួបសម្តេច ហេង សំរិន លោក អំ បឺឡា បានបន្តទៅជួបសម្តេច សាយ ឈុំ ប្រធានព្រឹទ្ធសភាកម្ពុជា នៅថ្ងៃទី២២ ខែមេសា ដដែល។ លោក ក៏នឹងចូលគាល់ព្រះមហាក្សត្រផងដែរ។ 

ក្រោយបញ្ចប់ជំនួបនានា ប្រធានរដ្ឋសភាឥណ្ឌា និងគណៈប្រតិភូ នឹងទៅទស្សនកិច្ចនៅខេត្តសៀមរាប មុនចាកចេញពីកម្ពុជា។ ប្រធានរដ្ឋសភាឥណ្ឌា ធ្វើទស្សនកិច្ចនៅកម្ពុជា៤ថ្ងៃ គឺពីថ្ងៃទី២១ ដល់ថ្ងៃទី២៤ ខែមេសា ឆ្នាំ២០២២៕