ជាតិ
សុខភាព
UNFPA និងជប៉ុន សម្ពោធគម្រោងថ្មី ផ្ដោតលើសុខភាពបន្តពូជ សុខភាពមាតាទារកនៅកម្ពុជា រូបភាព ពី ហ្វេសប៊ុក UNFPA
× ភ្នំពេញ៖ មូលនិធិសហប្រជាជាតិសម្រាប់ប្រជាជន UNFPA និងរដ្ឋាភិបាលជប៉ុន បានរួមគ្នាប្រកាសជាផ្លូវការគម្រោងថ្មី គាំទ្រដល់រាជរដ្ឋាភិបាលកម្ពុជា ក្នុងការកសាងប្រព័ន្ធសុខាភិបាល។ គម្រោងនេះ មានទឹកប្រាក់ប្រមាណ ១,១៧លានដុល្លារ ដែលជាថវិការបស់រដ្ឋាភិបាលជប៉ុន តាមរយៈUNFPA ប្រចាំកម្ពុជា។
នៅថ្ងៃទី៦ ឧសភា មូលនិធិសហប្រជាជាតិសម្រាប់ប្រជាជន UNFPA និងរដ្ឋាភិបាលជប៉ុន បានដាក់អនុវត្តគម្រោងថ្មី ដែលគាំទ្រដោយរដ្ឋាភិបាលកម្ពុជា។ គម្រោងថ្មីនេះ ផ្ដោតទៅលើកសាងប្រព័ន្ធសុខាភិបាលដែលមានភាពធន់ និងឆ្លើយតបទៅតាមម្រូវការ ដើម្បីធានាថាប្រជាជនងាយរងគ្រោះក្នុងតំបន់គោលដៅ អាចទទួលសេវាសុខភាពផ្លូវភេទ សុខភាពបន្តពូជ សុខភាពមាតា និងទារក ប្រកបដោយគុណភាព។
គម្រោងនេះ មានទឹកប្រាក់ប្រមាណ ១,១៧ លានដុល្លារដែលជាថវិការបស់រាជរដ្ឋាភិបាលជប៉ុន។ គម្រោងនេះ នឹងអនុវត្តជាមួយក្រសួងសុខាភិបាល ក្រសួងកិច្ចការនារី និងក្រសួងអប់រំ យុវជន និងកីឡា។
តាមរយៈគម្រោងនេះ នឹងចូលរួមលើកកម្ពស់សេវាសង្រ្គោះបន្ទាន់ផ្នែកសម្ ភពនិងការថែទាំទារកទើបនឹងកើត នៅក្នុងខេត្តភាគឦសាន តាមរយៈការផ្តល់ឧបករណ៍សង្គ្រោះជីវិត និងមធ្យោបាយបញ្ជូន។ ជាមួយគ្នានេះ គម្រោងនេះ ក៏នឹងពង្រឹងសមត្ថភាពអ្នកផ្តល់សេវាសុខាភិបាល និងការលើកកម្ពស់ការផ្ដល់សេវា សុខភាពផ្លូវភេទ សុខភាពបន្តពូជ សុខភាពមាតានិងទារក ពិសេសការបង្កើតវេទិកាសិក្សាតាមប្រព័ន្ធអេឡិចត្រូនិក និងសេវាថែទាំសុខភាពពីចម្ងាយ។
បើតាមទំព័រហ្វេសប៊ុក UNFPA គម្រោងនេះ នឹងធ្វើឱ្យកាន់តែប្រសើរឡើងនូវលទ្ធភាពទទួលបានព័ត៌មានចាំបាច់ និងសេវាសុខភាពផ្លូវភេទ សុខភាពបន្តពូជ សុខភាពមាតានិងទារក សម្រាប់ប្រជាជនងាយរងគ្រោះ និងយុវជន តាមរយៈការប្រើប្រាស់វេទិកាឌីជីថលនវានុវត្ត។ លើសពីនេះ UNFPA បានគាំទ្រ និងពង្រឹងប្រព័ន្ធសុខាភិបាល ដែលធន់នឹងរោគរាតត្បាត ដែលកំពុងបន្តកើតមាន និងត្រៀមខ្លួនឱ្យកាន់តែប្រសើរឡើ ងសម្រាប់គ្រោះមហន្តរាយនាពេលខាងមុខផងដែរ៕
Tag:
សុខភាព
ឦសាន
ជប៉ុន
UNFPA
© រក្សាសិទ្ធិដោយ thmeythmey.com