ក្រសួងធនធានទឹកនិងឧតុនិយម បានបញ្ជាក់ថា រដូវវស្សានឹងឈានមកដល់​ នៅថ្ងៃទី១៥ ខែឧសភា។ ការឈានមកដល់នូវរដូវវស្សា រួមទាំងកម្ពុជានឹងរងឥទ្ធិពលពីខ្យល់មូសុងនិរតីផងនោះ នឹងធ្វើឱ្យតំបន់មួយចំនួនមានភ្លៀងធ្លាក់ពីតិចទៅច្រើន លាយឡំដោយផ្គរ រន្ទះ និងខ្យល់កន្ត្រាក់។

 

បើតាមសេចក្តីជូនដំណឹងរបស់ក្រសួងធនធានទឹកនៅថ្ងៃទី១០ឧសភា ទំនាបកណ្ដាល អាចមានភ្លៀងធ្លាក់ក្នុងកម្រិតពីតិចទៅមធ្យម, តំបន់មាត់សមុទ្រ អាចមានភ្លៀងធ្លាក់ក្នុងកម្រិតពីតិចទៅបង្គួរ ខណៈតំបន់ខ្ពង់រាបវិញ អាចមានភ្លៀងធ្លាក់ក្នុងកម្រិតពីតិចទៅច្រើន៕