ពីនេះ ពីនោះ
×![]()
ដោយ: សារព័ត៌មានថ្មីៗ
មនុស្សមួយចំនួននៅតែសរសេរច្រឡំរវាងពាក្យ «ប៉ោម» និង «ប៉ម» ជាពិសេសសំណេរនៅលើបណ្តាញសង្គម ដោយមិនបានផ្ទៀងផ្ទាត់វចនានុក្រមឲ្យបានត្រឹមត្រូវ។ អ្នកខ្លះ សរសេរថា ផ្លែប៉ម ទៅភាសានិយាយ ដែលតាមពិត ផ្លែប៉ោម ជាពាក្យត្រឹមត្រូវ។
តាមវចនានុក្រមខ្មែរសម្តេចព្រះសង្ឃរាជ ជួន ណាត ប៉ោម [អានថា ប៉ូម] ចេញពីពាក្យបារាំង Pomme។ វាជាឈ្មោះផ្លែឈើមួយប្រភេទ ប្រើជាអាហារ។ ដើមប៉ោម, ផ្លែប៉ោម។
រីឯ «ប៉ម» វិញ សំដៅលើគ្រឹហាខ្ពស់ស្រឡះ មានសណ្ឋានមូលឬកាច់ជ្រុងមានជញ្ជាំងចោះជាប្រហោងៗព័ទ្ធជុំវិញ ធ្វើទុកនៅត្រង់មុមកំពែងបន្ទាយ ឬនៅទីណាមួយ សម្រាប់ពួនយាមល្បាតឃ្លាំឬលាក់ខ្លួនពួនចាំបាញ់តយុទ្ធនឹងខ្មាំងសត្រូវ។ ប៉មបន្ទាយ, ប៉មព្រះរាជវាំង, ប៉មព្រះនគរ (Blockhaus ) ៕
Tag:
ពន្យល់ពាក្យ
© រក្សាសិទ្ធិដោយ thmeythmey.com
«មជ្ឈការ»មានន័យខុសពី«វិមជ្ឈការ»ដូចម្តេច?
1 សប្តាហ៍
