ពីនេះ ពីនោះ
ព័ត៍មានសុខភាព
សុខភាព
×![]()
ដោយ: សារព័ត៌មានថ្មីៗ
ថ្លើមគឺជាសិរីរាង្គក្រពេញមួយប្រភេទដែលធំជាងគេបង្អស់ ក្នុងរាងកាយរបស់មនុស្ស។ វាមានតួនាទីយ៉ាងសំខាន់ នៅក្នុងការបំលែង និងស្រូបយកសារធាតុពុលផ្សេងៗដែលចូលទៅក្នុងខ្លួនមនុស្ស តាមរយៈការទទួលទានអាហារ ឬថ្នាំ។
ថ្លើមរីកមិនមែនជាជំងឺនោះទេ។ វាគ្រាន់តែជាអាការៈរោគសញ្ញាមួយដែលស្ដែងចេញនៅពេលកើតមានជំងឺផ្សេងៗ និងជះឥទ្ធិពលទៅលើវាប៉ុណ្ណោះ ដូចជាជំងឺថ្លើមខ្លួនឯង ជំងឺខ្សោយបេះដូង ឬជំងឺមហារីក។ ថ្លើមរីកអាចធូរស្រាលវិលទៅរកសភាពដើមវិញបាន ដរាបណាជំងឺដែលបង្កហេតុទាំង អស់នោះត្រូវបានធ្វើការព្យាបាលជាសះស្បើយ។
ដើម្បីកាត់បន្ថយការប្រឈមនឹងជំងឺថ្លើមអ្នកអាចធ្វើដូចខាងក្រោមនេះ៖
- ជ្រើសរើសរបបអាហារដែលផ្តល់នូវសុខភាព ដូចជាបន្លែ ផ្លែឈើ និងគ្រាប់ធុញ្ញជាតិគ្រប់ប្រភេទ។
- ទទួលទានស្រាតែក្នុងកម្រិតមធ្យមបានហើយ។
- ធ្វើទៅតាមគោលដៅនៃការប្រើប្រាស់ថ្នាំ វីតាមីន ឬថ្នាំបំប៉ន។ កាត់បន្ថយការដំឡើងកម្រិតថ្នាំ វីតាមីន ឬថ្នាំបំប៉នដោយខ្លួនឯង។
- កាត់បន្ថយការប៉ះពាល់នឹងសារធាតុគីមីតាមរយៈការប្រើស្រោមដៃ និងពាក់ម៉ាស។
- រក្សាទម្ងន់អោយមានសុខភាព៖ ប្រសិនបើទម្ងន់របស់អ្នកស្ថិតក្នុងកម្រិតមួយមានសុខភាពហើយ ចូររក្សាវាកុំអោយឡើងទៀតអោយសោះ។ ប្រសិនបើអ្នកត្រូវការសម្រកទម្ងន់ ចូរកាត់បន្ថយការទទួលទានអាហារមានកាលឡូរីទៅ ហើយបង្កើននូវការហាត់ប្រាណប្រចាំថ្ងៃវិញ។ គ្រូពេទ្យអាចផ្តល់ដំបូន្មានលើមធ្យោបាយសម្រាកទម្ងន់ដល់អ្នកបាន។
- ឈប់ជក់បារី៖ ប្រសិនបើអ្នកជក់បារី សូមមេត្តាផ្តាច់វាទៅ។ ប្រសិនបើអ្នកមិនជក់បារីទេ ក៏មិនត្រូវចាប់ផ្តើមជក់ដែរ។
- ប្រើថ្នាំបំប៉នដោយការប្រុងប្រយ័ត្ន៖ ចូរនិយាយជាមួយគ្រូពេទ្យអំពីការប្រឈមមុខ និងអត្ថប្រយោជន៍នៃថ្នាំបំប៉ន ឬសឈើ ព្រោះវាអាចផ្តល់ទុក្ខទោសដល់ថ្លើមរបស់អ្នកបាន៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com
