លិខិតឆ្លងដែនពលករខ្មែរ១០នាក់ ត្រូវភ្លើងឆេះអស់ ដោយសារអគ្គិភ័យក្នុងរោងចក្រមួយនៅថៃ

ជាតិ

សេដ្ឋកិច្ច

លិខិតឆ្លងដែនពលករខ្មែរ១០នាក់ ត្រូវភ្លើងឆេះអស់ ដោយសារអគ្គិភ័យក្នុងរោងចក្រមួយនៅថៃ

12, Jun 2022 , 3:29 pm

រូបភាព

តំណាងអង្គការសង់ត្រាល់-CENTRAL ប្រចាំប្រទេសថៃ ចុះសួរសុខទុក្ខពលករខ្មែរនៅប្រទេសថៃ ដែលរងគ្រោះដោយសារភ្លើងឆេះរោងចក្រ។ រូបពីអង្គការសង់ត្រាល់។

ដោយ៖ ញឹក សំអូន

លិខិតឆ្លងដែនរបស់ពលករខ្មែរ ១០នាក់ ត្រូវភ្លើងឆេះអស់ទាំងស្រុង ដោយសារឆេះរោងចក្រមួយកន្លែងនៅប្រទេសថៃ កាលពីថ្ងៃទី៦ ខែមិថុនា ឆ្នាំ២០២២។ ក្នុងរោងចក្រនេះមានពលករខ្មែរជាង ៤០០នាក់ បានធ្វើការនៅទីនោះ។ នេះបើតាមអង្គការសង់ត្រាល់-CENTRAL ចុះផ្សាយនៅថ្ងៃទី ៩មិថុនា។

លោក លឹង សុផុន បានឱ្យដឹងថា ភ្លើងឆេះរោងចក្រនៅប្រទេសថៃ ដោយរោងចក្រដែលបានឆេះនោះមានឈ្មោះ BangkokMaster Wood Co.Ltd. ជារោងចក្រផលិតគ្រឿងសង្ហារិម ស្ថិតនៅក្នុងតំបន់ម៉ាក់ខាមឃូ ស្រុកនិគមផាត់ថៈណា ខេត្តរៈយ៉ងប្រទេសថៃ។ ឧប្បត្តិហេតុនោះ កើតឡើងដោយសារការឆ្លងចរន្តអគ្គិសនី ប៉ុន្តែសំណាងល្អមិនមានមនុស្សរងរបួសនោះ។

ជុំវិញករណីនេះតំណាងអង្គការសង់ត្រាល់-CENTRAL ប្រចាំប្រទេសថៃ បន្ថែមថា តំណាងស្ថានទូតកម្ពុជានៅថៃ កំពុងតែបន្តនីតិវិធីការងារជាមួយតំណាងរោងចក្រ ដើម្បីសម្រួលដល់ពលកររងគ្រោះ។ អង្គការសង់ត្រាល់ ក៏បានយកជំនួយមនុស្សធម៌មានគ្រឿងឧបភោគ បរិភោគ ចែកជូនដល់ពលករ ៨០នាក់ ដែលរងគ្រោះខ្លាំងក្នុងចំណោមពលករជាង ៤០០នាក់នៅក្នុងរោងចក្រនេះដែរ៕