ជាតិ
សមត្ថកិច្ចឃាត់អ្នកប្រើនិងលក់បារីអេឡិចត្រូនិក ៣១នាក់ និងរឹបអូសបារីជាង៣ពាន់ដើម ក្រុមអ្នកលក់និងអ្នកប្រើប្រាស់ដែលសមត្ថកិច្ចឃាត់ខ្លួនបាន។ រូបពីអគ្គស្នងការនគរបាលជាតិ
× ភ្នំពេញ៖ រយៈពេល៣ថ្ងៃ សមត្ថកិច្ចភ្នំពេញចុះបង្ក្រាបអ្នកប្រើប្រាស់និងអ្នកលក់ បារីអេឡិចត្រូនិក បាន៣១នាក់ ដោយរឹបអូសបារីជាង៣ពាក់ដើម និងទឹកថ្នាំជាច្រើនពាន់ដបទៀត។
មន្ទីរប្រឆាំងគ្រឿងញៀន និងស្នងការដ្ឋាននគរបាលរាជធានីភ្នំពេញ បានដាក់កម្លាំងចុះបង្ក្រាបអ្នកប្រើប្រាស់ និងទីតាំងលក់បារីអេឡិចត្រូនិច (E-Cigarette) ១៥ទីតាំងផ្សេងគ្នា ចាប់ពីថ្ងៃទី២៣ ដល់២៥មិថុនា។ មនុស្ស៣១នាក់ ដែលត្រូវបានឃាត់ខ្លួននេះ ត្រូវបានអប់រំនិងធ្វើកិច្ចសន្យា។
អគ្គស្នងការដ្ឋាននគរបាលជាតិ បានចេញផ្សាយថា ប្រភេទបារីអេឡិចត្រូនិកដែលបង្ក្រាបបានមាន Yooz Vape និងSisa។ រយៈពេល៣ថ្ងៃ សមត្ថកិច្ចបង្ក្រាបបាន បារីអេឡិចត្រូនិកប្រភេទ Yooz និងVape ៣៤០៩ដើម ហើយឧបរណ៍សម្រាប់ជក់ប្រភេទ Yooz និងVape ១២៦៦ឈុត។ ចំណែក ប្រភេទ Sisa មាន៣ដើម។
ទន្ទឹមនឹងនេះ សមត្ថកិច្ចក៏បានដកហូតទឹកថ្នាំបារីអេឡិចត្រូនិក Yooz និង Vape ២៧៨៥ដប និងប្រភេទឈុត៩២២ប្រអប់ផងដែរ៕
រូបពីអគ្គស្នងការដ្ឋាននគរបាលជាតិ
© រក្សាសិទ្ធិដោយ thmeythmey.com