លោក ឃុត សុខាន សហស្ថាបនិកសហគ្រាសសហ ដែលជាស្ថាប័នមួយផ្តួចផ្តើមឱ្យមានពិព័រណ៍ខាងលើ បានឱ្យដឹងថា ពិព័រណ៍នេះធ្វើឡើងក្នុងបំណងលើកកម្ពស់ គាំទ្រសហគ្រិនដែលចូលរួមក្នុងកម្មវិធីរបស់ស្ថាប័ន និងអង្គការទាំង៤ ក៏ដូចជាផ្តល់ឱកាសឱ្យពួកគេបានផ្សារភ្ជាប់ផលិតផលទៅលើទីផ្សារតាមរយៈការបង្ហាញផលិតផលនៃព្រឹត្តិការណ៍មួយនេះ។ លោកបន្តថា សហគ្រិនខ្លះទើបចាប់ផ្តើម ដូច្នេះព្រឹត្តិការណ៍នេះធ្វើឱ្យគាត់សាកល្បងដាក់ផលិតផលពួកគេឱ្យអតិថិជនសាក ហើយទទួលបានការកែសម្រួលឱ្យប្រសើរឡើងវិញ។ល។

 

ស្ដង់ពិព័រណ៍ដែលបានចូលរួមក្នុងព្រឹត្តិការណ៍ដែលធ្វើនៅបរិវេណសាកលវិទ្យាល័យ សៅស៍អ៊ីសថ៍អេយសៀ នាថ្ងៃទី៣ ខែកក្កដា សរុបមានចំនួន ៣៨ស្ដង់ ដែលមានផលិតផលម្ហូបអាហារ ប្រេងដូង សិប្បកម្មកែច្នៃ ស្វាយចន្ទី ចម្លាក់ស្បែក ខោអាវ។ល។ 

 

តាមការបញ្ជាក់ពីលោក ឃុត សុខាន ពិព័រណ៍នេះសហការចូលរួមពីអង្គការ និងស្ថាប័នចំនួន៤ រួមមាន អង្គការលើកកម្ពស់យុវជន ស៊ីអិនវេសមិន អិនធឺប្រាយសៀមរាប និងសហគ្រាសសហ៕