លោក Akihiro Kato ប្រធានក្លិបបាល់ទាត់អង្គរថាយហ្គឺរ ចេញលិខិតសូមអភ័យទោសចំពោះអ្នកគាំទ្រ សម្រាប់ការប្រកួតរវាងក្លិបបាល់ទាត់អង្គរថាយហ្គឺរ និងវិសាខា ដែលមិនអនុញ្ញាតឲ្យមានទស្សនិកជនចូលទស្សនាផ្ទាល់។ លោកបានបញ្ជាក់ក្នុងសារលិខិតជាសាធារណៈលើគេហទំព័រហ្វេសប៊ុករបស់ក្លិបថា៖«ក្នុងនាមជាម្ចាស់ក្លិបពិតជាមានការសោកស្តាយ និងសូមអភ័យទោសចំពោះបញ្ហាដែលកើតឡើងខាងលើនេះ»។
  

ការដាក់ពិន័យពីសហព័ន្ធកីឡាបាល់ទាត់កម្ពុជា លើក្លិបអង្គរថាយហ្គឺរនេះ ធ្វើឡើងក្រោយពីអ្នកគាំទ្រមួយនេះ បានចោលដបទឹកបរិសុទ្ធចូលទៅក្នុងទីលានកំពុងប្រកួតរវាងម្ចាស់ផ្ទះ អង្គរថាយហ្គឺរ និងក្រុមភ្ញៀវព្រះខ័នរាជស្វាយរៀង កាលពីថ្ងៃទី៣០ ខែកក្កដា ។ 
 

ទោះយ៉ាងណាប្រធានក្លិបបាល់ទាត់អង្គរថាយហ្គឺរ នៅតែបង្ហាញអារម្មណ៍ដឹងគុណចំពោះក្តីស្រលាញ់របស់អ្នកគាំទ្រក្លិប ។ «លើកនេះខ្ញុំមានអារម្មណ៍ថាការបង្ហាញនូវការគាំទ្រមួយនេះបានបង្កនូវកំហុសឆ្គង»។ នេះជាការលើកឡើងរបស់លោក Akihiro Kato៕