សហព័ន្ធវ៉ូវីណាម ដាក់វិញ្ញាសា១៨ ប្រភេទ សម្រាប់ប្រកួតជើងឯកថ្នាក់ជាតិ

កីឡាជាតិ

ជាតិ

សហព័ន្ធវ៉ូវីណាម ដាក់វិញ្ញាសា១៨ ប្រភេទ សម្រាប់ប្រកួតជើងឯកថ្នាក់ជាតិ

11, Aug 2022 , 7:59 am

រូបភាព

ក្រុមជម្រើសជាតិកីឡាវ៉ូវីណាមកម្ពុជា

ដោយ៖ហៀក ឆក

វិញ្ញាសា១៨ ប្រភេទ ក្នុងកីឡាវ៉ូវីណាម ត្រូវបានដាក់បញ្ចូលក្នុងការប្រកួតជ្រើសរើសជើងឯកថ្នាក់ជាតិ។ សហព័ន្ធកីឡាវ៉ូវីណាមកម្ពុជា នឹងរៀបចំការប្រកួតនាថ្ងៃទី១៧ ដល់១៩ ខែកញ្ញា ខាងមុខ។

សហព័ន្ធកីឡាវ៉ូវីណាមកម្ពុជា សម្រេចដាក់ចេញនូវវិញ្ញាសាមេគុនឯកត្តជនពេញវ័យមាន៩ ប្រភេទ ផ្នែកនារីមាន ឡុងហូង្វៀង ថាប់ថឺង្វៀង មេគុនដាវ កាំបិតធំ និងផ្នែកបុរសមាន ងួនមួងង្វៀង ថាប់ថឺង្វៀង មេគុនដាវ កាំបិតធំ និងដំបង។ ចំណែកវិញ្ញាសាមេគុនដាវអាយុក្រោម១៦ ឆ្នាំមាន២ ប្រភេទបុរស-នារី ឡុងហូង្វៀង និងដាវ។

សម្រាប់វិញ្ញាសាប្រយុទ្ធមាន៧ ប្រភេទ ផ្នែកនារីមាន អាយុក្រោម១៤ ឆ្នាំ គីឡូក្រោម ៥១-៥៥ , ៥៥-៦០ ,៥១-៦០ និងផ្នែកបុរសមាន គីឡូ៥១-៥៥, ៦០-៦៤, ៦៤-៦៨, ៥១-៦៨៕