នៅកីឡដ្ឋានគិរីវង់ ម្ចាស់ផ្ទះប្រកួតស្មើជាមួយ ក្រុមភ្ញៀវ អគ្គិសនីកម្ពុជា ក្នុងលទ្ធផល ១-១។
 

នៅពេលការប្រកួតចាប់ផ្ដើម ក្រុមភ្ញៀវ បានដាក់សម្ពាធយ៉ាងខ្លាំង មកគិរីវង់សុខសែនជ័យតែការប៉ន់ប៉ងរកគ្រាប់បាល់ជាច្រើនលើក មិនបានសម្រេច ដោយកីឡាករ ចន្ថា ចន្ធាកា ស៊ុតខុសទិសដៅជាច្រើនលើក។
 

លុះចូលដល់នាទី៧០ ខ្សែប្រយុទ្ធរបស់អគ្គិសនីកម្ពុជារូបនេះ ជួយឲ្យក្រុមនាំមុខ១គ្រាប់។១គ្រាប់នាំមុខនោះ មិនកក់ក្ដៅប៉ុន្មានទេ សម្រាប់ក្រុមភ្ញៀវ។ ១៣នាទីក្រោយមកម្ចាស់ផ្ទះ វាយបកមកវិញ ដោយកីឡាករ លី មស្លីម ទំលាយសំណាញ់ទី នៅនាទី៨៣។ ជើងទីមួយ អគ្គិសនីឈ្នះ ក្នុងលទ្ធផល ៣-២។ ដូចនេះអគ្គិសនី ត្រូវឡើងទៅវគ្គបន្ទាប់។
 

ក្នុងពេលជាមួយគ្នានេះ កោះកុង អេហ្វស៊ីយកឈ្នះ អង្គរថាយហ្គឺរ ក្នុងលទ្ធផល៣-១ នៅកីឡដ្ឋានហុនមាន។ ជើងទីមួយ កោះកុង អេហ្វស៊ីបានចាញ់ ក្រុមម្ចាស់ផ្ទះ ក្នុងលទ្ធផល ២-១។ គិតតាមគ្រាប់បាល់ទាំង២ជើង កោះកុង មានគ្រាប់បាល់ច្រើនជាងអង្គរថាយហ្គឺរ។
 

លុះដល់វេលាម៉ោង ៦:៣០ ល្ងាច ភ្នំពេញក្រោនប្រកួតស្មើជាមួយ ក្រុមព្រៃវែង លទ្ធផល៤-៤ នៅកីឡដ្ឋាន Smart RSN ។
 

ចំពោះលទ្ធផលជើងទី១ ភ្នំពេញក្រោន ឈ្នះ ព្រៃវែង ១-០។ ពេលទន្ទឹមគ្នានេះ នគរបាលជាតិចាញ់ ក្រុមបាល់ទាត់កងយោធពលខេមរភូមិន្ទ ក្នុងលទ្ធផល ២-១ នៅកីឡដ្ឋានស្តាតចាស់

លទ្ធផលដូចគ្នាទាំងពីរជើង។ 
 

ក្រុមទាំង៨ ត្រូវប្រកួត នៅវគ្គបន្តមានព្រះខ័នរាជ ស្វាយរៀង, ភ្នំពេញក្រោន, វិសាខា, បឹងកេត,ណាហ្គាវើលដ៍, កងយោធពលខេមរភូមិន្ទ, អគ្គីសនីកម្ពុជា និងកោះកុង អេហ្វស៊ី៕