លោក ឡុង ឬទ្ធា បានប្រាប់សារព័ត៌មានថ្មីៗតាមទូរស័ព្ទថា ក្រុមបានប្រើទម្រង់លេងធម្មតា ស្របតាមក្បួនហ្វឹកហាត់។ ប៉ុន្ដែមូលហេតុដែលក្រុមម្ចាស់ផ្ទះ ឈ្នះអាស៊ីអឺរ៉ុបយូណាយធីត ក្នុងលទ្ធផលដ៏ច្រើននេះ ដោយសារតែកីឡាករ បានយកចិត្តទុកដាក់ការពារមិនឲ្យកីឡាករ សំខាន់ៗរបស់ក្រុមភ្ញៀវ មានឱកាសវាយបកដោយស្រួល។ 
 

«យើង អាចមានគ្រាប់បាល់ច្រើនជាងនេះ ប៉ុន្ដែយើងរបូតគ្រាប់បាល់ ៤ទៅ៥គ្រាប់នៅតង់ទី១ ដោយការបញ្ចប់ទីខុសគោលដៅ។»។ គ្រូបង្វឹករូបនេះ បានប្រាប់ដូច្នេះ។
 

ដោយឡែក សារព័ត៌មានថ្មីៗ មិនអាចទទួលការពន្យល់ពីលោក សុក វាសនា គ្រូបង្វឹកអាស៊ីអឺរ៉ុបយូណាយធីត បានទេ ។
 

ពេលទន្ទឹមគ្នានេះ មានការប្រកួត ៥គូផ្សេងទៀតដែរ។ ក្នុងនោះ សូលទីឡូអង្គរ ចាញ់ អគ្គិសនីកម្ពុជា ក្នុងលទ្ធផល១-០ នៅកីឡដ្ឋានហនុមាន ខណៈក្រុមសាលកីឡាបាល់ទាត់ជាតិ ចាញ់ ក្រុមបាល់ទាត់សៀមរាបអេហ្វស៊ី ១-០ នៅទីលានខេត្តសៀមរាប ។ រីឯ អាយ អេស អាយ ដង្កោសែនជ័យ ស្មើគ្នាជាមួយ កោះកុង អេហ្វស៊ី ក្នុងលទ្ធផល០-០ នៅកីឡដ្ឋានស្ដាតចាស់ ដូចគ្នានិងជំនួប បន្ទាយមានជ័យ អេហ្វស៊ី និង ខេត្តត្បូងឃ្មុំ បញ្ចប់ដោយគ្មានគ្រាប់បាល់ នៅទីលានវិទ្យាល័យហ៊ុន សែនខ្លាកូន។ ចំណែកឯ នគរបាលជាតិ យកឈ្នះ ក្រុមណិចស្តិប លទ្ធផល៣-១ នៅទីលានបាល់ទាត់ 7NG។ 
 

គិតត្រឹមសប្ដាហ៍ទី១៦នេះ អគ្គិសនីកម្ពុជា ឈរចំណាត់ថ្នាក់លេខ១ មាន៣៨ពិន្ទុ តាមពីក្រោយដោយ កោះកុងអេហ្វស៊ី មាន៣៣ពិន្ទុ និង អាយ អេស អាយ ដង្កោសែនជ័យ មាន៣៣ ដូចគ្នាទៅនិងលេខ៤ នគរបាលជាតិ។ ចំណែកឯ ព្រៃវែងមាន៣២ពិន្ទុ ឈរលេខ៥។ ដោយឡែក បន្ទាយមានជ័យ និងណិចស្ដិប បន្ដនៅបាតតារាង នៃលីគ២កម្ពុជា៕