ពិធីចាប់ឆ្នោតជ្រើសរើក្បាលដីឡូតិ៍ថ្មី ធ្វើឡើងនៅថ្ងៃទី២៥ ខែសីហា នៅបរិវេណខាងមុខរដ្ឋបាលខេត្តសៀមរាប ដែលមានពលរដ្ឋច្រើនរយនាក់ចូលរួម។ ពលរដ្ឋភាគច្រើនសប្បាយរីករាយ និងព្រមទៅនៅតំបន់ថ្មី ព្រោះបានកម្មសិទ្ធិដីធ្លីត្រឹមត្រូវ និងទុកឱកាសឱ្យរាជរដ្ឋាភិបាលមានលទ្ធភាពថែរក្សាតំបន់បេតិកភណ្ឌអង្គរឱ្យគង់វង្សតទៅមុខទៀត។ យ៉ាងណាមិញ ក៏មានពលរដ្ឋខ្លះមិនព្រមចូលរួមចាប់ឆ្នោតនឹងគេដែរ ព្រោះពួកគេបារម្ភពីជីវភាព និងមុខរបរនៅកន្លែងថ្មី។ ជាពិសេសនោះ គឺពួកគេអះអាងថា បានមករស់នៅតំបន់នេះយូរមកហើយ ដោយខ្លះមកតាំងទី អំឡុងឆ្នាំ១៩៩៣ ឬខ្លះមុននេះទៅទៀត៕