ក្រុមបាល់ទាត់អាយុក្រោម ២០ឆ្នាំកម្ពុជា ពុំដែលជួបលីបង់ ឡើយនាពេលកន្លងមក។ ៣ប្រកួតចុងក្រោយរបស់គោព្រៃកម្ពុជា ចាញ់ម៉ាឡេស៊ី ​២-១ ឈ្នះឡាវ ២-១ និងចាញ់ទីម័រខាងកើត ៤-១។ ក្រុមគោព្រៃជំទង់កម្ពុជាដែលមានគ្រូបង្វឹកលោក Koji Kyotoku និងគ្រូជំនួយលោក ខាន់ កាត់ មានកីឡាករលេចធ្លោមួយចំនួនដូចជា ស៊ិន សុវណ្ណមករារបស់ ព្រៃវែង អេហ្វស៊ី និងសុវណ្ណ ដូណា របស់អង្គថាយហ្គឺរជាដើម។

ចំណែកលីបង់ ៣ប្រកួតចុងក្រោយរបស់គេកន្លងមកចាញ់ទាំង៣ប្រកួត។ ក្នុងនោះ ចាញ់អាល់ហ្សេរី ២-១ ចាញ់លីប៊ី ២-០ និងចាញ់ស៊ូដង់ ៣-១។ លីបង់ដែលដឹកនាំដោយគ្រូបង្វឹកលោក Sheikh Ahmed Aladdin  និងគ្រូជំនួយលោក Rabee Amairat មានកីឡាករ កំពុងបង្ហាញទម្រង់លេងល្អដូចជា Mahamad Sadek ប្រកបអាជីពនៅក្លិប AC Sporting Beirutប្រទេសលីបង់ជាដើម។ បើនិយាយពី៣ប្រកួតចុងក្រោយដូចគ្នាកម្ពុជា មានភាពល្អប្រសើរជាងពោលឈ្នះ១ ចាញ់២ ចំណែកលីបង់ចាញ់ទាំង៣ប្រកួត។

 

គួបញ្ជាក់ថា បន្ទាប់ពីការប្រកួតទល់នឹងក្រុមលីបង់ កម្ពុជាត្រូវប្រកួតបន្តជាមួយមិត្តរួមតំបន់អាស៊ានគឺត្រូវជួបក្រុមសិង្ហបុរី នៅថ្ងៃទី១៦ និងថ្ងៃទី១៨ ខែកញ្ញា ជួបមិត្តរួមពូលម្ចាស់ផ្ទះ តាហ្ស៊ីគីស្ថាន នាទីក្រុង Dushanbe ប្រទេសតាហ្ស៊ីគីស្ថាន៕