ស្របពេលដែលវិស័យទេសចរណ៍កម្ពុជាមានសន្ទុះឡើងវិញក្រោយស្ថានភាពជំងឺកូវីដ-១៩ ប្រតិបត្តិករទេសចរណ៍ មន្ត្រី និងអ្នកពាក់ព័ន្ធទាំងអស់កំពុងគិតគូពីការទទួលទេសចរឡើងវិញ។ ជាមួយគ្នានេះ ក្រសួងទេសចរណ៍បានជ្រើសយកប្រធានបទ «ការគិតគូរឡើងវិញនៃវិស័យទេសចរណ៍-Rethinking Tourism» សម្រាប់ប្រារព្ធទិវាទេសចរណ៍ពិភពលោកលើកទី ៤២។ វេទិកាទេសចរណ៍នេះ នឹងធ្វើឡើងនៅថ្ងៃទី៣ ខែតុលា ឆ្នាំ២០២២។

 

លើសពីនេះ ក្រសួងទេសចរណ៍ក៏បានអំពាវនាវ ឱ្យអាជីវករ សមាគមទេសចរណ៍ មន្ត្រី និងមន្ទីរពាក់ព័ន្ធទាំងអស់ យកផ្ទាំងរូបភាពពីសក្តានុពលទេសចរណ៍របស់ខ្លួនចូលរួមផ្សព្វផ្សាយ។ ជាមួយគ្នានេះក្រសួងទេសចរណ៍ក៏បានអំពាវនាវឱ្យអ្នកទេសចរ ចូលរួមទិវាទេសចរណ៍ពិភពលោកលើកទី៤២ នៅរាជធានីភ្នំពេញឱ្យច្រើនកុះករ៕