ក្មេងប្រុសពីរនាក់ បានលង់ទឹកអាងអូរអង្ក្រង នៅឃុំគោកមន ស្រុកបន្ទាយអំពិល ខេត្តឧត្តរមានជ័យ ហើយត្រូវបានកងកម្លាំងនៅកងពលតូ​ចថ្មើរជើងលេខ៤២ពីររូបជួយសង្គ្រោះ ឲ្យពួកគេរួចផុតពីការលង់នេះ។ ប៉ុន្តែ ជាអកុសល កងកម្លាំងទាំងពីរត្រូវបានទឹកនាំយកទៅ បណ្ដាលឲ្យបាត់ខ្លួន ។ នេះជាការបញ្ជាក់របស់ លោក ឌី រ៉ាដូ ។

ក្នុងកិច្ចសម្ភាសន៍ជាមួយសារព័ត៌មានថ្មីៗ នៅថ្ងៃនេះ អភិបាលរដខេត្តឧត្តរមានជ័យថា ក្រុមការងារបានរកឃើញសពកងកម្លាំងម្នាក់ហើយនារសៀលថ្ងៃទី១តុលា។ ប៉ុន្តែ កងកម្លាំងម្នាក់ទៀត ក្រុមការងារកំពុងបន្តស្វែងរក។

 

«ជាអកុសលពួកគាត់(កងកម្លាំង)ត្រូវកកួចលិច រហូតបាត់បង់ជីវិត ហើយមកដល់ពេលេះ នេះ រកឃើញតែសពម្នាក់ទេ»។ អភិបាលរងខេត្តឧត្តរមានជ័យលើកឡើងបែបនេះ៕