ក្រុមកីឡាប៉េតង់កម្ពុជាដណ្តើមបានមេដាយមាស១ លើប្រភេទវិញ្ញាសាបុរស៣×៣(A) ក្រោយឈ្នះម្ចាស់ផ្ទះថៃ ដោយពង្សប្រដេញគ្នា ១២-០៦។ កីឡាករ ថោង ឈឿន ទទួលបានមេដាយមាស១ ផងដែរក្នុងនាមជាកីឡាករវាយស៊ីបល្អប្រចាំការប្រកួតកីឡាប៉េតង់អាស៊ីលើកទី៤ នៅប្រទេសថៃ

 

ក្នុងពេលជាមួយគ្នាកីឡាករ-កីឡាការិនីជម្រើសជាតិកម្ពុជាដណ្តើមបានមេដាយប្រាក់១ និងសំរឹទ្ធ២ ផងដែរ។ ក្នុងនោះរួមមាន វិញ្ញាសាយុវជនអាយុក្រោម១៨ឆ្នាំ(ចម្រុះ៣×៣) ដណ្តើមបានមេដាយសំរឹទ្ធ១, វិញ្ញាសាបុរស៣×៣ មេដាយសំរឹទ្ធ១(B) វិញ្ញាសានារី៣×៣ មេដាយប្រាក់ ក្រោយចាញ់ម្ចាស់ផ្ទះថៃ ពង្ស១៣-០១។

 

កាលពីថ្ងៃទី១២ ខែវិច្ឆិកា កីឡាករកម្ពុជា ថោង ឈឿន ឈ្នះមេដាយមាស១ ក្រោយឈ្នះកីឡាករ SARAWUT SRIBOONPENG ដោយពង្ស ១២-០៨ និងកីឡាករ អ៊ុត ដួងខែ មេដាយមាស១ បន្ទាប់ពីឈ្នះកីឡាករវៀតណាម Tran Hoang Phuc ពង្ស ៣៣-១៣។ ចំណែកកីឡាការិនី អ៊ុន ស្រីយ៉ា គ្រងមេដាយប្រាក់ ក្រោយចាញ់ពង្សកីឡាការិនីវៀតណាម THACH THIANHLAN ២៦-១៥។

 

គួរបញ្ជាក់ថា សហព័ន្ធកីឡាប៊ូល និងប៉េតង់កម្ពុជា បានបញ្ជូនប្រតិភូ គ្រូបង្វឹក កីឡាករ-កីឡាការិនី ២៧រូប ទៅចូលរួមព្រឹត្តិការណ៍ប្រកួតពានរង្វាន់កីឡាប៉េតង់ជើងឯកអាស៊ីលើកទី៤ (The 4th Asian Petanque Championship 2022) ដែលមាន៧ប្រទេសប្រកួតប្រជែងគ្នា ចាប់ពីថ្ងៃទី១០-១៤ ខែវិច្ឆិកា ឆ្នាំ២០២២ នៅប្រទេសថៃ៕