កីឡាករកម្ពុជា ថោង ឈឿន ទទួលបានមេដាយមាស១ លើវិញ្ញាសាបុរស ក្រោយឈ្នះកីឡាករថៃ Sarawut Sriboonpeng, កីឡាករ អ៊ុត ដួងខែ មេដាយមាស១ លើវិញ្ញាសាបុរស អាយុក្រោម១៨ឆ្នាំ បន្ទាប់ពីឈ្នះកីឡាករវៀតណាម Tran Hoang Phuc និងវិញ្ញាសាបុរស ៣×៣ ក្រោយឈ្នះម្ចាស់ផ្ទះថៃ។

 

កីឡាការិនី អ៊ុន ស្រីយ៉ា ទទួលបានមេដាយប្រាក់១ ក្រោយចាញ់កីឡាការិនីវៀតណាម Thach Thianhlan លើវិញ្ញាសានារី និងវិញ្ញាសានារី ៣×៣ មេដាយប្រាក់១ ក្រោយចាញ់ម្ចាស់ផ្ទះថៃ។ ចំណែកមេដាយសំរឹទ្ធ២ រកបានលើវិញ្ញាសាយុវជនអាយុក្រោម១៨ឆ្នាំ៣×៣(B) និងវិញ្ញាសាបុរស៣×៣ (B) រីឯពាន Nation Cup សម្រេចបានលើវិញ្ញាសា យុវជនអាយុក្រោម១៨ឆ្នាំ៣×៣(A) បន្ទាប់ពីឈ្នះឆាយនីសតៃប៉ិ។

 

គួរបញ្ជាក់ថា សហព័ន្ធកីឡាប៊ូល និងប៉េតង់កម្ពុជា បានបញ្ជូនប្រតិភូ គ្រូបង្វឹក កីឡាករ-កីឡាការិនី ២៧រូប ទៅចូលរួមការប្រកួតក្នុងព្រឹត្តិការណ៍កីឡាប៉េតង់ជើងឯកអាស៊ីលើកទី៤ (The 4th Asian Petanque Championship 2022) ដែលមាន១១ប្រទេសប្រកួតប្រជែងគ្នា ចាប់ពីថ្ងៃទី១០-១៤ ខែវិច្ឆិកា ឆ្នាំ២០២២ នៅប្រទេសថៃ៕