បើតាមក្រសួងទេសចរណ៍ សិក្ខាសាលានេះ នឹងជ្រើសរើសបេក្ខជនចំនួន២៥នាក់ ប្រចាំខេត្តសៀមរាប ដែលបង្រៀនដោយអ្នកជំនាញមកពីប្រទេសជប៉ុន និងកម្ពុជា។ ដោយឡែក បេក្ខជន បេក្ខនារី ត្រូវជាមគ្គុទេ្ទសក៍ទេសចរណ៍ថ្នាក់តំបន់ស្របច្បាប់ ដែលធ្លាប់បម្រើការងារយ៉ាងតិច៣ឆ្នាំ និងមានឯកទេសភាសាជប៉ុនផងដែរ។
 

ជាមួយគ្នានេះ សិក្ខាសាលា ស្តីពីការនាំភ្ញៀវទេសចរជប៉ុន នឹងមានការចែករំលែកបទពិសោធន៍ដែលទាក់ទងទីផ្សារនាំភ្ញៀវទេសចរជប៉ុនផងដែរ។ សិក្ខាសាលានេះ នឹងឈប់ទទួលពាក្យនៅថ្ងៃទី១២ ខែធ្នូ និងចាប់ផ្តើមចូលរៀនថ្ងៃទី២០-២១ ខែធ្នូ ឆ្នាំ២០២២ខាងមុខនេះ។  
 

បេក្ខជន បេក្ខនារីដែលមានបំណង ចុះឈ្មោះចូលរៀនតាមរយៈលេខទូរស័ព្ទ ០៨៧ ៦៩៦ ៩១១៕