ជាតិ
ក្រសួងទេសចរណ៍ នឹងរៀបចំវេទិកាទេសចរណ៍មេគង្គ ឆ្នាំ២០២៣ លោក ថោង ខុន រដ្ឋមន្រី្តក្រសួងទេសចរណ៍។ រូបភាពពី ក្រសួងទេសចរណ៍។
×
ដោយ៖ សែម ប្រាក់ដាវ
ភ្នំពេញ៖ ក្រសួងទេសចរណ៍ ត្រៀមរៀបចំវេទិកាទេសចរណ៍មេគង្គឆ្នាំ២០២៣ ក្នុងខេត្តព្រះសីហនុ ក្រោមប្រធានបទ «ការគិតគូឡើងវិញពីភាពធន់ និងប្រព័ន្ធឌីជីថល ក្នុងវិស័យទេសចរណ៍»។ ការរៀបចំវេទិកានេះ ធ្វើឡើងក្នុងគោលបំណង ដើម្បីចូលរួមចំណែកក្នុងការស្តារឡើងវិញវិស័យទេសចរណ៍ និងជំរុញផ្សព្វផ្សាយគោលដៅទេសចរណ៍។
វេទិកាទេសចរណ៍មេគង្គ ឆ្នាំ២០២៣ មានរយៈពេល៥ថ្ងៃ ចាប់ពីថ្ងៃទី២៤-២៨ ខែមេសា ឆ្នាំ២០២៣ខាងមុខ នៅប្រទេសវៀតណាម។ បើតាមលោក ថោង រដ្ឋសក្តិ អគ្គនាយកអភិវឌ្ឍន៍ទេសចរណ៍ និងសហប្រតិ្តការអន្តរជាតិ នៃក្រសួងទេសចរណ៍ ប្រធានបទនៃវេទិកាទេសចរណ៍មេគង្គឆ្នាំនេះ ផ្ដោតលើការធ្វើជាម្ចាស់ផ្ទះនៃប្រកួតកីឡាអាស៊ីអាគ្នេយ៍លើកទី៣២ និងអាស៊ានប៉ារ៉ាហ្គេមលើកទី១២ ឆ្នាំ២០២៣។
ចំណែកឯ កិច្ចប្រជុំនៅឆ្នាំនេះ ក៏នឹងលើកឡើងពីទេសចរណ៍អាហារទេសចរណ៍ត្រាច់ចរ និងទេសចរណ៍សហគមន៍ ទេសចរណ៍ការស្នាក់នៅ ដែលប្រើប្រាស់ធនធានអស់តិច ជាពិសេសការប្រើប្រាស់ប្រព័ន្ធផ្សព្វផ្សាយសង្គមដើម្បីផ្សព្វផ្សាយពីធុរកិច្ចនានានិងជំរុញឱ្យមានការចូលរួមពីភ្ញៀវទេសចរ។
ជាមួយគ្នានោះ កិច្ចប្រជុំនេះ ក៏នឹងមានការពិភាក្សាអំពីរបៀបធ្វើយ៉ាងណាឱ្យមហាអនុតំបន់មេគង្គ ក្លាយជាទិសដៅទេសចរណ៍តែមួយ។ គួរបញ្ជាក់ផងដែរ មហាអនុតំបន់មេគង្គ គឺជាគោលដៅទេសចរណ៍ដែលមានល្បឿនលឿនជាងគេនៅអាស៊ី និងប៉ាស៊ីហ្វិក៕
Tag:
ThmeyThmey25
ក្រសួងទេសចរណ៍
វេទិកាទេសចរណ៍មេគង្គ
© រក្សាសិទ្ធិដោយ thmeythmey.com