លោក ហ៊ុន ម៉ានី ប្រធានសហភាពសហព័ន្ធយុវជនកម្ពុជា និងជាប្រធានគណៈកម្មការរៀបចំព្រឹត្តិការណ៍អង្គរសង្រ្កាន្ត ព្រមទាំងរដ្ឋបាលខេត្តសៀមរាប បានជួបពិភាក្សាគ្នាហើយ ដើម្បីត្រៀមរៀបចំគម្រោងព្រឹត្តិការណ៍អង្គរសង្រ្កាន្ត ឆ្នាំ២០២៣ខាងមុខ។ ព្រឹត្តការណ៍អង្គរសង្រ្កាន្ត នឹងពាំនាំនូវសម្បត្តិវប្បធម៌ ទំនៀមទម្លាប់ និងស្នាដៃបុព្វបុរសខ្មែរសម្រាប់សម្តែងលើទឹកដីអង្គរនៃតំបន់ឧទ្យានអង្គរ។
 

ជុំវិញការរៀបចំអង្គរសង្ក្រាននេះ ខាងសហភាពសហព័ន្ធយុវជនកម្ពុជា នឹងរៀបចំសន្និសីទសារព័ត៌មាន ឆាប់ៗនេះ។

ទន្ទឹមនឹងនោះ រដ្ឋបាលខេត្តសៀមរាប ក៏បានត្រៀមខ្លួន សម្របសម្រួលឱ្យព្រឹត្តិការណ៍អង្គរសង្រ្កាន្តដំណើរការរលូន។ ព្រឹត្តិការណ៍អង្គរសង្រ្កាន្ត នឹងផ្តល់ភាពសប្បាយរីករាយដល់ពលរដ្ឋខ្មែរសម្រាប់ការជួបជុំ ក៏ដូចជាជំរុញទេសចរជាតិ និងអន្តរជាតិឱ្យកាន់តែច្រើន។
 

​សូមជម្រាបដែរថា កាលពីថ្ងៃទី៣០ ខែវិច្ឆិកាក្នុងពិធីបិទព្រឹត្តការណ៍កីឡាជាតិលើកទី៣ និងជនពិការលើកទី១កន្លងទៅ សម្តេច ហ៊ុន សែន នាយករដ្ឋមន្រ្តី ក៏បានលើកឡើងពីព្រឹត្តិការណ៍អង្គរសង្រ្កាន្ត ដោយបញ្ជាក់ពីការត្រៀមលក្ខណៈចូលរួមប្រកួតប្រជែងអុកចត្រង្គផងដែរ៕