រដ្ឋបាលខេត្តកំពង់ធំ រៀបចំកម្មវិធីឆ្លងឆ្នាំនៅបរិវេណសួនស្ទឹងសែន

ជាតិ

រដ្ឋបាលខេត្តកំពង់ធំ រៀបចំកម្មវិធីឆ្លងឆ្នាំនៅបរិវេណសួនស្ទឹងសែន

25, Dec 2022 , 6:29 pm

រូបភាព

ដោយ៖ សែម ប្រាក់ដាវ

ភ្នំពេញ៖ បុណ្យចូលឆ្នាំសកល ជាពិធីមួយដែលបណ្ដាប្រទេសនានាតែងតែប្រារព្ធឡើង នារាត្រីថ្ងៃទី៣១ធ្នូចុងឆ្នាំ ដើម្បីស្វាគមន៍ឆ្នាំថ្មី។ រដ្ឋបាលខេត្តកំពង់ធំ ក៏នឹងរៀបចំពិធីអបអរសាទរបុណ្យចូលឆ្នាំសកល ២០២៣ ដើម្បីបង្កឱ្យមានភាពសប្បាយរីករាយ និងទាក់ទាញទេសចរណ៍ឱ្យមកកម្សាន្តកាន់តែច្រើន នៅបរិវេណសួនស្ទឹងសែន។

បើតាមរដ្ឋបាលខេត្តកំពង់ធំកម្មវិធីនេះ នឹងប្រព្រឹត្តិទៅនៅថ្ងៃទី៣១ ខែធ្នូ ដោយមានរៀបចំកម្មពិធីកម្សាន្តផ្សេង ដើម្បីផ្ដល់ភាពសប្បាយរីករាយដល់ពលរដ្ឋ និងភ្ញៀវទេសចរ។ ពិធីអបអរនេះ នឹងមានកម្មវិធីប្រគំតន្រ្តី សម្ដែងរបាំ ការតាំងពិព័រណ៍ និងការបាញ់កាំជ្រួចជាដើម។

ជាមួយគ្នានេះ រដ្ឋបាលខេត្តកំពង់ធំ ក៏បានរៀបចំសណ្តាប់ធ្នាប់ អនាម័យដាក់ភ្លើងពណ៍តាមបរិវេណសួនស្ទឹងសែន ដើម្បីត្រៀមទទួលទេសចរជាតិ និងអន្តរជាតិដែលមកកម្សាន្តខេត្តកំពង់ធំឱ្យកាន់តែច្រើន ក្នុងឱកាសបុណ្យឆ្លងឆ្នាំសកលខាងមុខ។

សូមបញ្ជាក់ដែរថារដ្ឋបាលខេត្តកំពង់ធំ អំពាវនាវដល់ ប្រជាពលរដ្ឋ ភ្ញៀវទេសចរជាតិ-អន្តរជាតិ ម្ចាស់រមណីយដ្ឋាន ម្ចាស់ក្រុមហ៊ុន ម្ចាស់ផ្ទះសំណាក់ ឬអាជីករផ្សេងៗ រួមគ្នារៀបចំសណ្តាប់ធ្នាប់តាមភូមិឋាន តាមទីសាធារណៈ ឬតាមរមណីយដ្ឋាននានា រក្សាអនាម័យ ដើម្បីឲ្យបរិសា្ថនល្អស្អាត និងមានរបៀបរៀបរយផងដែរ៕