ជាតិ
សម្តេច ហ៊ុន សែន៖ ខ្ញុំអត់ធ្វើតាមសុខ ទូច ទេ សម័យនេះ សម័យឌីជីថល សម័យបើកលុយតាមធនាគារ
× សម្តេចនាយករដ្ឋមន្ត្រី ហ៊ុន សែន នាព្រឹកថ្ងៃសុក្រនេះ បានអះអាងថា មិនអនុវត្តតាមការលើកឡើងរបស់លោក សុខ ទូច នោះឡើយ ជុំវិញការប្តូរពីការបើកលុយតាមធនាគារ ទៅជាការបើកសាច់ប្រាក់ឡើងវិញ។
«បងប្អូនទាំងឡាយ កុំព្រួយបារម្ភថា ខ្ញុំស្តាប់ សុខទូច គឺអត់ទេ»។ សម្តេច បានលើកឡើងយ៉ាងដូច្នេះ ដោយបញ្ជាក់ថា សម្តេចជាដឹកនាំយូរជាងគេ ឆ្លងគ្រប់កាលៈទេសៈ ឆ្លងគ្រប់ហេតុការណ៍ ហើយមានភាពច្បាស់លាស់។ សម្តេចស្នើឲ្យ លោក សុខ ទូច ពង្រឹងការគ្រប់គ្រងមន្ត្រីក្នុងអង្គភាពរាជបណ្ឌិតសភារបស់ខ្លួនបានហើយ។
សម្តេចបានបញ្ជាក់ថា សម្តេចមិនបំផ្លាញកំណែទម្រង់ដែលរដ្ឋាភិបាលខិតខំនោះឡើយ។ «ខ្ញុំអត់ធ្វើតាមសុខ ទូច ទេ សម័យនេះ សម័យឌីជីថល សម័យបើកលុយតាមធនាគារ»។
សម្តេច ហ៊ុន សែន បានបន្ថែមថា ការបើកលុយផ្ទាល់កន្លងមក មានបញ្ហាជាច្រើន ហើយការប្តូរទៅបើកលុយតាមធនាគារ បានបណ្តេញមន្ត្រីខ្មោចជាង៣ម៉ឺននាក់៕
© រក្សាសិទ្ធិដោយ thmeythmey.com